Mois : novembre 2020

Herinandro sambatra 2020

Manaiky an’i JESOA MESIA ny mino

21Desambra Gen 35.9-12Mat 2.1-41 Tim 1.15-17
222 Sam 7.8-16Jao 1.40-45Apo 1.1-6
23Jer 23.5-6Lio 2.15-20Rom 1.1-7
24Nom 24.17-19Jao 1.14-18Apo 11.15-19
25KRISMASYIsa 11.1-10Mat 2.6-12Gal 4.1-7

Fanendrena PS / FJKM 2020.

LAHARANA SY ANARAN’NY SYNODAMPARITANYANARANA IREO PREZIDA SYNODALY
SP AFOVOANY ANDREFANA (01)RANDRIANARISAINA HARILAZA, Mpitandrina  
SP AFOVOANY ATSINANANA VAOVAO (02)ABDINAGO  FANANTENANA ANTRA, Mpitandrina
SP ALAOTRA CHROME (03)RALAIARIVELO FANOMEZANTSOA ANDRIAMAMONJY, Mpitandrina
SP AMBALAVAO TSIENIMPARIHY (04)RAKOTONDRAMIARINA  GILBERT, Mpitandrina
SP AMBATONDRAZAKA VAOVAO (05)RASOLONIRINA  ROBERT, Mpitandrina  
SP AMORON’I MANIA AMBOSITRA (06)ALIOLIHARIMANARIVO MAHABO SAOTRA SAMOELA, Mpitandrina
SP AMBOVOMBE KRISTY RANOVELONA(07)SOJA ARTHUR, Mpitandrina  
SP ANDREFANA ATSIMONKARATRA MIARADIA (SP 08)RATIARISOA  BENJAMINA, Mpitandrina
SP ANDRONA ATSINANANA MIARA-MIFOHA (SP 09)ANDRIAMAMPIANINA JOSOA, Mpitandrina
SP ANTANANARIVO ANDREFANA (SP 10)RAKOTONDRAZANANY HANDRITIANA FANOMEZANTSOA, Mpitandrina
SP ANTANANARIVO ATSIMO (SP 11)RABELISON HARIMANITRA  MANASSE, Mpitandrina
SP ANTANANARIVO ATSINANANA (SP 12)RABENANTOANINA HARIMANANA PHILBERT, Mpitandrina
SP ARIVONIMAMO VAOVAO (SP 13)IVAMA MORYL, Mpitandrina  
SP ATSIMO ATSINANANA (SP 14)RAZAFINDRATSIMBA  TOKINIRINA ANJARASOA, Mpitandrina
SP ATSIMON’IARIVO MIRAY (SP 15)RABENANTOANINA  SOLOFONINDRIANA, Mpitandrina
SP KRISTY FIHAVANANTSIKA AVARATRA ATSINANANA (SP 16)TOTOZAFY, Mpitandrina
SP BOINA VAOVAO (SP 17)ANDRIAMAMONJY RIVOARISOA, Mpitandrina
SP FARITANY VOALOHANY ANTSIRANANA (SP 18)RABEVITA SAINA, Mpitandrina  
SP IARIVO AVARADRANO (SP 19)RABETOKOTANY  MIARILAZA  ANDRIAMIALY, Mpitandrina
SP MAEVATSARA (SP 20)RAJAONERA RODIN, Mpitandrina  
SP BEMARAHA (SP 21)RAJOSOA  BARINARIVO  MAMY, Mpitandrina
SP MANANARA FIRAISANA (SP 22)RABENANTOANDRO  SAMIARIVELINA MAMY YVES, Mpitandrina
SP MANANJARY PANGALANA (SP 23)RAVELOARIMANANA MARTIN, Mpitandrina  
SP MANGORO MORAMANGA (SP 24)MOSATEROA ZAFIMANAMBELO HAJATIANA AIME, Mpitandrina
SP MATSIATRASOA (SP 25)JEREMIA JEAN LOUIS, Mpitandrina  
SP MEVARANO MIRAY (SP 26)BERT GERA, Mpitandrina  
SP MIARINARIVO FAHAZAVANA (SP 27)RAZAFINTSALAMA PAUL, Mpitandrina  
SP MIRAY FARITRA ANTONGYL (SP 28)RAMANANTSOA  CHARLES, Mpitandrina  
SP MANDRIDRANO MPIAMBINA SOAVINANDRIANA ITASY (SP 29)ANDRIAMANAMPISOA HERMANE GIDEONA Mpitandrina
SP SOFIA ANDREFANA (SP 30)ZAMINANO RAMAROSON, Mpitandrina  
SP TOAMASINA VAVAHADIN’NY FILAZANTSARA (SP 31)NIRINARISON EMILE JOHNSON WILLIAM Mpitandrina
SP  KRISTY FANANTENANTSIKA TOAMASINA ATSIMO  (SP 32)RAKOTONDRAIBE  SOLOFO MALALA, Mpitandrina
SP TOLIARA FIHAVAOZANA (SP 33)RANDRIANARISON  JEAN   EVARISTE, Mpitandrina  
SP TSIROANOMANDIDY (SP 34)RAKOTOMALALA  JEAN OLIVIER, Mpitandrina
SP VONIZONGO VAVOLOMBELONA (SP 35)ANDRIANJAKAMBOLAHARINAIVO  ARNAUD, Mpitandrina
SP FAHAZAVAN’ATSIMO ANDREFANA (SP 36)RAKOTONDRASOA  PHILBERT, Mpitandrina  
SP VATOFEHIZORO AMPITANDRANOMASINA (SP 37) 
SP ATSINANAN’ANKARATRA  FAHAZAVANA (SP 38)RAZAFINDRAIBE  RAYMOND, Mpitandrina  

FFKM 40 Taona

FIOMBONAN ‘NY FIANGONANA  KRISTIANA ETO  MADAGASIKARA (FFKM) 40 TAONA (1980-2020)

Notanterahana ny Alahady  29 Novambra 2020 tao amin’ny Eglizy Katolika Romana Saint François Xavier Antanimena ny Fanompoampivavahana  lehibe , anatin’ny fanamarihana ny faha- 40 taona nijoroan’ny FFKM teto  amin’ny firenena  .

Tonga nanome voninahitra ny fotoana ny Filohan’ny Antenimieran-doholona  Andriamatoa RAKOTOVAO Rivo ;  ny Solotenan-dRamatoa Filohan’ny Antenimieram-pirenena ,ny Député RAZAFITSIANDRAOFA Brunel  ; ny Filohan’ny HCC , RAKOTONARIVO Thierry ary ireo olo-manakaja maro Sivily sy Miaramila eto amin’ny firenena .

Nitarika ny fotoana ny solotenan’ny EKAR . Namaky ny teny avy amin’ny Soratra masina , ny Pastora RAKOTOZAFY Denis , Filohan’ny FLM .Nanao ny Ranombavaka  Monseigneur Samoela Jaona RANARIVELO , Filohan ‘ny EEM.Nitondra ny Hafatry ny Tenin’Andriamanitra Reverend Docteur IRAKO ANDRIAMAHAZOSOA Ammi , Mpitandrina  (FJKM ) .

Hafatra :

 «mifanaraha ianareo rehetra , ary aza mifanao ankolafiny , aoka hiray saina sy hevitra ianareo ka hivondrona tsara » 1 Korintiana 1.10b . Antso ho an’ny vahoaka kristiana mba hivondrona , hiray hevitra sy hiray saina  ,tsy hisaratsaraka na hitsitokotoko . Kristy no ivo sy ankatoavina amin’ny fanapahankevitra tsy mitovy  ka izay tiany no ekena . Nanakoako tokoa ny firedonana ny Hira fanevan’ny faha-40 Taona  « Andriamanitra , lay Telo zay Iray : Ray ,Zanaka, Fanahy no tena mampiray »nandritra ny Fanompoampivavahana noredonin’ny Antoko Mpihira SETA ,miisa anjatony .

Fitenenana sy vaovao :

Fantatra tamin’ny fandraisam-pitenenana nataon’ny Filohan’ny FFKM amperinasa ankehitriny , ny Monseigneur Odon Marie Arsene RAZANAKOLONA (EKAR ) , fa hisokatra ny Volana Febroary 2021 ny Ivom-mPampianarana Ambony momba ny Ekiomenika (IPAE) izay hanentanana ny mpitondra fivavahana   ao anatin’ny FFKM  mba  hisoratra anarana ,  hanatevim-pahalalana  ao  . Ny tanjona amin’izao fotoam-panamarihana ny faha- 40 taona izao dia ny fananganana ny onjampeo FFKM ,sy  fameloman-tsoratra ireo Sampanasa  efa mijoro  eo anivon’ny FFKM (SEVKRI, SEFAMP,SEFA,SETO,SEFIP, SETA..) . Ho an’ Andriamanitra irery ny Voninahitra .

Site  web/AFIFAB FOIBE

…………………………………………………………………………………………………………………………

Fiombonan’ny Fiangonana Kristiana eto Madagasikara (FFKM)

Fitambaran’ireo Fiangonana zokiny efatra ara-tantara eto Madagasikara, ao anatin’izany ny :

-ny Fiangonan’ i Jesoa Kristy eto Madagasikara na FJKM

 -ny Eglizy Katolika Apostolika Romana na EKAR

-ny Loterana Malagasy na FLM

-ny Eklesia Episkopaly Malagasy (EEM).

Ny taona 1980 no niorenany ary niainga tamin’ny Tenin’Andriamanitra manao hoe : « mba hinoan’izao tontolo izao fa Ianao no naniraka Ahy », ary talohan’izay ny hoe : « Mivavaka Aho mba ho iray izy rehetra »Jaona 17 : 2 1 (DIEM) heverina fa ny fanatanterahana izany no antoky ny fananganana ny FFKM . Efa nisy tamin’ny taona 1948 ny « Conseil Œcuménique des Eglises  du monde » . Ny tanjona tamin’izany ny fananganana ny Ekiominisma eto Madagasikara. Misy araka izany ny rafitra eo anivon’ny FFKM, toy ny fivorian’ny Zaikabe na « Assemblée générale » izay tanterahana isaky ny efatra taona, misy koa ny Komity foibe mivory isan-taona , ny Birao Foibe, izay misy solontena roa isaky ny fiangonana (Mpitondra fivavahana sy Laika).

Ahitana sampanasa valo ao anatin’ny FFKM : Ny Sampanasa Ekiominika momban’ny Fampianarana (SEFA), Sampanasa Ekiominika momba ny fampitam-baovao (SEFAB),Sampanasa Ekiominika momba ny fampandrosoana (SEFamP), Sampanasa Ekiomenika momba ny Fiainam-Pirenena (SEFiP) , Sampanasa Ekiominika momba ny Teolojia (SET), Sampanasa Ekiominika momba ny Tanora (SETa), Sampanasa Ekiominika momban’ny toeram-panofanana Teolojia (SETO) ary ny Sampanasa Ekiominika ny Vehivavy Kristiana (SeVKri). Manana ny Toniany ny FFKM, izay mpitondra fivavahana, izy no mandrindra ny fifandraisana amin’ireo sampanasa ireo sy mikarakara ny fifandraisana amin’ny FFKM faritany sy FFKM firaisana ary FFKM fototra.

 Tanjona noho ny faha-40 taona

Fananganana ny Onjam-peo FFKM. Araka ny maha-firaisam-piangonana nyFFKM dia misy ny zavatra iombonana, toy ny batisa izay tsy azo averina intsony raha toa ka efa vita tamin’ny Fiangonana iray ao anatin’ny FFKM, eo koa ny fampianarana ny Ekiominisma eto Madagasikara; manana ny hira itambarany ao anatin’ny fihirana« Miara-mizotra ».

Araka ny nambaran’ny Filohan’ny Komity fankalazana ny faha-40 taonan’ny FFKM, Andriamatoa Bien Aimé RANDRIANANTENAINA, dia an’ny mpino Kristiana rehetra ny FFKM, fa tsy an’olona voafetra akory, ka aoka samy ho voakasik’io faha-40 taona io avokoa, ary Andriamanitra no fahefana faratampon’ny FFKM ao amin’izany.

Ny fankalazana ny faha – 40 taonan’ny FFKM dia hotohizana hatramin’ny taona 2021 ary ho faranana amin’ny Zaikabe, noho ny zava-misy teto amin’ny firenena raha tokony honifarana tamin’ity taona ity.

Lahatriniavo RANDRIAMANANTENA

Alatsinainy 30 Novamb 2020

ROMANA 8.18-25

Ny fanantenana kristiana

Anisan’izay mampiavaka ny kristiana eto amin’izao tontolo izao ny fanantenana . Noho ny finoana an’i Jesoa Kristy dia tonga olon’ny fanantenana ny kristiana . Manantena ny kristiana fa :

1-Hanafaka azy Andriamanitra (and 21,22)

Noho ny herin’ny fahotana , noho ny asan’ny ratsy dia ambaran’i Paoly fa misento avokoa ny zava-boahary . Tsy fahafatesana eo amin’ny olombelona ihany no voka-dratsy nateraky ny fahotana . Nisy akony ratsy teo amin’ny zava-boahary manontolo mihitsy izany . Toy ny voageja , voafatotra ao anaty fahoriana lalina izao rehetra izao . Manantena anefa ny mino , araka izao fampianaran’i Paoly izao fa manana hery Andriamanitra , hanafaka izao rehetra izao amin’izay mampahory sy mampisento azy izao .

2-Hamonjy azy Andriamanitra (and 24)

Ny Baiboly DIEM dia milaza hoe : « eny efa voavonjy isika saika mbola amin’ny fanantenana« , izany hoe : efa vitan’i Jesoa teo amin’ny hazo fijaliana io famonjena io . Indray mandeha tsy miverina izany . Famonjena ho an’ny olona rehetra , kanefa mbola manantena isika kristiana fa mbola hamonjy antsika i Jesoa . Hamonjy antsika amin’izao zava-mampahory , mandrera-po izao ka hampiditra antsika amin’ny fiainana mandrakizay izay efa nomaniny ho antsika . Ny tena kristiana araka izany dia efa voavonjy , ary mbola hovonjen’Andriamanitra , ahafahan’ Andriamanitra amin’izao endri-pahoriana misy ankehitriny izao .

Fanontaniana :

Inona marina no tena iorenan’ny fanantenana kristiana ?

Sampana Sekoly Alahady FOIBE FJKM

AKAFITA

Fiaraha-miasa AMPIFITIA sy ny AKANY FIALOFANA TANGAINA