16 Jolay 2017 – Ala. V man. Trinite – Samp. Fivondronana Laika
Eks. 7: 14-25/Mat. 11: 2-15/Gal. 1: 11-24
Mois : juin 2017
09 Jolay 2017 – Ala. IV man. Trinite – Sam. Tanora Kristiana
I sam. 23: 1-5/Jao. 1: 19-28/I Pet. 5: 1-11
Zoma 30 Jiona 2017
Vavolombelon’ny Tompo ny Fanahy Masina
Galatiana 5.16-26
Ny olona araka ny Fanahy Masina
Mampiavaka ny olona eto amin’izao tontolo izao ny itoeran’ny Fanahy Masina sy ny tsy itoerany . Impito miverina eto ny anarana : Fanahy Masina.
1-Ny olona araka ny Fanahy Masina
Antsoina hoe : « an’i Kristy » (and24) ny olona nandray ny Fanahy Masina . Tsy baikon’ny nofo na ny filàna intsony izy . Rehefa ny filàna ao amin’ny olona no mibaiko fa tsy ny Fanahy Masina dia olona araka ny nofo izy . Izao taratasy ho an’ny Galatiana izao dia maneho fa misy kristiana ivelany fa tsy itoeran’ny Fanahy Masina. Izany no ahitana ny faharatsiana marobe dimy ambin’ny folo (and 19-21). Havaozin’ny Fanahy Masina ny fiangonana ka esorina ao aminy ny toetra ratsin’izao tontolo izao ireo .
2-Ny vokatry ny Fanahy Masina
Misy fito izy ireo : fitiavana , fifaliana, fiadanana , fahari-po , fahamoram-panahy , fanaovantsoa , fahamarinana , fahalemem-panahy , fahononampo (and 22-23). Ireo toetra vokarin’ny Fanahy Masina ao amin’ny kristiana sy ny fiangonana ireo dia manova ny tontolo misy ny mpino . Ireo toetra ireo no hamantarana ny mino . Miavaka tsara ny mpino na ny kristiana ara-nofo sy ny kristiana araka ny Fanahy Masina . Fanahy mamelona ny Fanahy Masina ka manova ny fiainan’ny mino ho amin’ny fitiavana an’ Andriamanitra sy ny fifankatiavana . Ny fanovana ny fiaraha-monina ho tsara dia fanekena ny asan’ny Fanahy
Fanontaniana :
Inona no vokatry ny Fanahy Masina eo aminareo ?
Birao Sekoly Alahady FOIBE FJKM
02 Jolay 2017 – Ala.III man.Trinite
Jer 26.8-15 / Jao 20.21-23 / Asa 5.17-32
SAMPATI / Fihaonambe 2017
FAMPAHAFANTARANA
FIHAONAM-BE SAMPATI FJKM 2017
Araka ny fantatsika notapahin’ny Zaikabe dia ho tanterahina any amin”ny SYNODAMPARITANY MANANJARY PANGALANES ny FIHAONAMBE 2017. Toy izao ny dinidinika :
– Ny 01 Aogositra dia KOMITY FOIBE
– Ny 2- 4 Aogositra no FIHAONAMBE hanasana ny mpikambana rehetra tsy ankanavaka, anaovanay ANTSO MANOKANA ny FILOHA rehetra zanaky ny FJKM mba ho tonga hanatrika fa hisy fifanakalozan-kevitra ho tanterahantsika hampandrosoana ny asan’Andriamanitra.
– Misy fandraisana anjara Ar 500 ( dimanjato ariary) isan’olona ho fanampiana ny fampandehanana ny asa rehetra any sy ho fisoratana anarana ka ny faha- 15 Jolay 2017 no fara-fandraisana izany, mba hanomanana ny “Badge” ho an’ny mpivory rehetra. Samy manao izay hahatongavany any ary MAMELON- TENA ny Sampati Fitandremana tsirairay.
Aoka ho vita mialoha kosa ny fifanitsanana mikasika ireto :
– SORATRA MASINA : I sy II Samoela; Jaona 10- 15 ary ny Apokalypsy 21. Omanina koa ny mikasika ny biby sy zava-maniry rehetra ao anaty Baiboly. Hisy tondrozotra hafa mikasika ny hafatry ny Filohan’ny FJKM hoe: “Vontosy Filazantsara ny Nosy Madagasikara”. Ka hahazoana isa koa ny fanatanterahana izany.
– KOLO TALENTA : vako- drazana ka hira noforonina fa tsy nadika na novàna ny tonony, fa ny foto- kevitra dia “Vontosy Filazantsara ny Nosy Madagasikara”. Fitafy Malagasy no hanaovana.
– CARNAVAL: toy izay koa ny aseho dia SAMPATI manatanteraka ny “Vontosy Filazantsara ny Nosy Madagasikara”, hanodidina ny tanàna isika ka FITAFY TENA MALAGASY no hanaovana.
– FANATANJAHAN- TENA : sampana mavo: scouting- ball, sampana maitso : foot à 7, sampana mena: basket- balla ka “mixte”, olon-dehibe : “pétanque”.
Misy afisy ho anareo mamintina izany. Koa samia àry mitondra am-bavaka izany rehetra izany isika. Dia manao veloma ombam-pirariantsoa eo ambany fahasoavan’I Jesoa Kristy Tompo.
DINIDINIKA MOMBA IREO FIFANINANANA
Ampahatsiahivina antsika ireto :
Ny 1 aogositra 2017 : KOMITY FOIBE.
Ny 2-4 Aogositra 2017 : FIHAONAMBE, antsoina manokana ny FILOHA Mpanazava sy Tily zanaky ny FJKM fa hifanakalo hevitra isika ny amin’izay ho fomba fiasa ho avy. Aza adinoina fa alefa mialoha ny fisoratana anarana 500 Ariary ho an’ny tsirairay.
Toy izao ny mikasika ny fifaninanana SORATRA MASINA
• Fifanintsanana ataon’ny SP amin’ny fitandremana misy ao aminy. Ka ireto no hanadinana : I Sam toko 1-8 ; II Sam toko 13 h@ 19.41. Jao 10-15 ka ny votoatin’ny tantara voalazan’ny sora-mandry no ilaina tadidiana. Apo 21 : Mamorona hira andininy 3 misy isan’andininy atao anaty CD na Flash amin’ny Apo 21.1, 2,27.Feon-kira avy any an-toerana.
• Fifaninanana mitadidy Soratra Masina ka tanisaina am-bava. Ohatra : Salamo 23 tanisaina hatramin’ny farany. Izay mahavita lavitra indrindra no mahazo isa ambony.
• Biby sy zava-maniry anaty Baiboly.
• VONTOSY FILAZANTSARA NY NOSY MADAGASIKARA : Alaina tahaka ny TRAKTA Fitoriana Filazantsara etsy ambany. Ny beazina mihitsy no mandeha, mizara ny trakta sady miresaka ka rehefa vita ny dinidinika dia mangataka sonia na rangompohy amin’ilay olona noresahiny izy.
Ny Mpiandraikitra sy ny Filohan’ny KP no manamarina amin’ny taratasy fa tena nandeha tokoa ireo beazina ireo. Atao anaty valopy ny Sonia rehetra voaangon’ny fivondronana ka tsy manome isa ny Synodamparitany fa mampiakatra izany entina Fihaonambe. Hahazo valisoa izay hita fa nanao tsara sy nahavita betsaka.
Ny ampiakarinareo hifaninana amin’ny Fihaonambe dia Ekipa 1 =Fivondronana 1 ahitana ireto : KP,Mpiandraikitra, Sampana Mena Fify, Mena, Maitso, Mavo, Tily sy Mpanazava iray avy.
KOLO TALENTA
Vako-drazana ka hira noforonina fa tsy nadika na novana tonony, ka ny foto-kevitra dia VONTOSY FILAZANTSARA NY NOSY MADAGASIKARA. Fitafy Malagasy no hanaovana. 8 mn ambony sehatra. Ny beazina rehetra no mandray anjara.
CARNAVAL
Aseho amin’ny alalan’ny fihetsika, fitafy, sy ny sisa, ny fitoriana Filazantsara. Lohahevitra : Vontosy Filazantsara ny Nosy Madagasikara.
FANATANJAHANTENA
Zava-kendrena : SAMPATI mampiseho ny fahaiza-manao ao anatin’ny Fahendrena sy fiombonana.
SAMPATI mahay mampiseho Fijoroana Vavolombelona ao anatin’ny Lalao.
SAMPATI mampiseho ny toetra maha-kristiana sy maha-skoto eo am-pilalaovana.
Sampana Mavo : Scouting-Ball ; Sampana Maitso : Foot à 7 ; Sampana Mena sy Mena Fify : Basket-Ball ka Mixte ; Olon-dehibe = Mpikambana mpitantana, Mpikambana mpanohana : Pétanque ka olona 3 isaky ny SP, mitondra « boules pétanques ».
Aoka ho hajaina ireto fepetra ireto : Fivondronana tafakatra avy any amin’ny Synodamparitany no milalao ; Nankatoavin’ny rafitra ; Manana taratasy fanolorana mazava ; Manana karatra SAMPATI avokoa
FITAOVANA
Toy ny mahazatra antsika dia hisy FITAOVANA SAMPATI FOIBE amidy amin’io fotoana io toy ny SATROKA, CASQUETTE, STYLO, KITAPO, Pin’ssy ny marohafa. Koa aoka hiomana amin’izany isika mba hivimbina fahatsiarovana rehefa hitodi-doha hody.
FITAFY IOMBONANA
Manana ny « Tenue SAMPATI » ny olon-dehibe rehetra, ny an’ny beazina dia ny fanamiana maha-skoto ihany. Hisy koa anefa ny « T-SHIRT FIHAONAMBE izay iombonana amin’ny fotoana voafaritra hanehoana fijoroana vavolombelona.
Samia ary mitondra ambavaka izany rehetra izany. Ary koa manao veloma ombam-pirariantsoa eo ambany fahasoavan’I Jesoa Kristy Tompo.
Ny Filoha
RAKOTOVAO Hajarimiadana, Mpitandrina
Ny Mpitantsoratra
RANDRIANOELINA Hanitra, Mpitandrina
Sekoly FJKM / Fihaonambe 2017
FOIBE FITONDRANTSEKOLY FJKM
FIHAONAMBEN’NY TALENTSEKOLY
« Talentsekoly FJKM mijoro vavolombelon’i Jesoa Kristy »
LP FJKM AMBATOMANGA
09-10-11 AOGOSITRA 2017
FANDAHARAM-POTOANA
|
ORA |
TALATA
08/08/17 |
ALAROBIA
09/08/17 |
ALAKAMISY
10/08/17 |
ZOMA
11/08/17 |
|
| 8’’00 – 08‘’ 30 | -Mitarika : IANONJARA,
Mpikambana FFS |
Mitarika : RANDRIANARISOA Mamy , Mpikambana FFS | |||
|
09”00- 10”00 |
FAHATONGA VANA |
– FANOMPOAM-PIAVAVAHANA FANOKAFANA :
Mitoriteny : Filohan’ny FJKM Mitarika : Atoa RAVELONANOSY Mamy Tiana, Mpitandrina, Aumonier Sekoly FJKM |
– – Famelabelaran-kevitra hataon-dRtoa ANDRY Nirina Velosoa, Tonian’ny Departemantan’ny Mpisa sy Vola- FJKM: « Talentsekoly FJKM mahafantatra ny lalàna mifehy ny asa sy ny mpiasa ». | – Famelabelaran-kevitra hataon’ny
Talen’ny ONEP :
«Talentsekoly FJKM mahafantatra ny fifandraisana amin’ny fanjakana ». |
|
| 10”00 – 10”30 | Fiatoana (FIARAHA-MIALA HETAHETA ) | Fiatoana | Fiatoana | ||
|
10 ‘’30- 12 ‘’30 |
-Famelabelara-kevitra hataon’Atoa IRAKO ANDRIAMAHAZOSOA Ammi, Mpitandrina , Filohan’ny FJKM : « Talentsekoly FJKM tompon’andraikitra, manana traikefa, kristiana resy lahatra (RQCC) ». | – Famelabelaran-kevitra hataon-dRtoa RAZAFIMALALA Tantely Hariliva, Talen’ny AFIFAB/ FJKM : « Talentsekoly FJKM mahafehy ny fifandraisana sy ny arofenitra » | -Famelabelaran-kevitra hataon’ Atoa RADIMISAON Jonah, Mpitandrina , Sekretera Jeneralin’ny FJKM: « Talentsekoly FJKM mijoro vavolombelon’ i Jesoa Kristy».
-FANOMPOAM-PIVAVAHANA FAMARANANA : Mitarika : Atoa RANAIVONIARIVO Tiana Alisoa, Mpitandrina, Solotena MF Sekoly. |
||
|
14’’00- 16’’00 |
FANDRAISAM- BAHINY |
–
Mitarika : RAHARINIRINA Lantomalala, Mpikambana FFS – – Famelabelaran-kevitra hataon-dRtoa RAKOTONDRANAIVO Domoina, Tonian’ny Departemantan’ny Sekoly FJKM: « Sekoly FJKM miatrika ny VINA ». |
– –Mitarika : RATSIMBA Haja Lalaina
– – Famelabelaran-kevitra hataon’ Atoa ANDRIAMAMPIANINA Zaka, Mpitandrina, Mpanolotsaina BMF: « Talentsekoly FJKM mahafehy ny fahaiza-mitarika sy ny fitantanana » |
||
| Mitory : Atoa RAKOTONINDRAINY Jaona, Mpitandrina, Tonian’ny Departemantan’ny Fiangonana | |||||
| 16 ‘’00- 16’’30 | Fiatoana | Fiatoana | |||
|
16’’30-17’’30 |
Famelabelaran-kevitra hataon’AtoaRAKOTONJATOVO Faly Harison, Mpikambana FFS :
« Talentsekoly mahafehy ny fitsipika mifehy ny Sekoly FJKM». |
– Famelabelaran-kevitra hataon’ Atoa RAKOTONDRABE Ndrianja , Mpitandrina, Talen’ny FIFA/ FJKM: « Talentsekoly FJKM mahay mampitombo sy mitandrina fananana”. | |||
| 19’’00 – 21’’00 | TAKARIVA MAHAFINARITRA : Handraisan’ny FPMP anjara |
Hafatry ny Filoha / Jiona 2017
Vontosy Filazantsara ny Nosy Madagasikara !
Fa izany dia izany
No faratampony tokoa
Ho fitiavan-tanindrazana
Fa ny firenena tiana
Dia asondrotra ho ambony,
Nefa ny ambony indrindra
Tsisy mihoatra ny any an-danitra !
Fa ny firenena tiana
Dia hasoavina ho tsara
Nefa tsisy tena tsara
Toy ny hoe i Jesoa no Tompo
Sy manjaka manontolo
Eto Madagasikara !
Fa ny firenena tiana
Dia iriana marimarina
Mba ho sambatra tokoa
tsy amin’ny hira fotsiny ihany,
Fa fahasambarana hahatratra
Ny amin’ny isam-baravarana !
Kanefa iza moa no sambatra ?
Ny firenena izay voalaza
Fa manana an’i Jesoa Tompo
Ho an’Andriamanitra inoany ,
Ka ireo Mpitondra, olon-tsoa
Tena minoa an’i Jesoa,
Ny vahoaka maro ana isa,
Miroso ho any Paradisa !
Ry olom-pirenena vanona :
VONTOSY FILAZANTSARA
NY NOSY MADAGASIKARA !
Irako ANDRIAMAHAZOSOA AMMI , Mpitandrina
Filohan’ny FJKM
Alakamisy 29 Jiona 2017
Vavolombelon’ny Tompo ny Fanahy Masina
2 Korintiana 3.12-18
« Ary ny Tompo izany Fanahy izany » 2 Kor 3.17
1-Manala ny fisalobonana ny Fanahy Masina
Andriamanitra tokana i Jesoa Kristy sy ny Fanahy Masina. Iray ny Tompo , iray ny Fanahy Masina . Ny finoana an’i Jesoa Kristy avy amin’ny Fanhy Masina dia manala ny fisalobonana izay manarona ny Jiosy sy ny tsy mino an’i Jesoa Kristy ho Tompo sy Mpamonjy ny Fanahy Masina . Izy no manambara ny fitiavana sy ny herin’ Andriamanitra mamonjy ny olona rehetra . Tsy ilay nofo voahombo tamin’ny hazo fijaliana intsony ny Tompo fa ny Fanahy Masina mitondra finoana ho an’ny Jiosy sy ny tsy mino Azy .
2-Manome fahafahana sy voninahitra ny Fanahy Masina
Fanomezana lehibe roa no omen’ny Fanahy Masina ny mino . « itoeran’ny fahafahana » ny mino (and17). Fatoran’ny tsy finoana an’i Jesoa Kristy ny Jiosy sy ny Jentilisa . manamafy izany fatorana izany ny fampianaran-diso ataon’ny mpampianatra sandoka , izay manohitra ny Apostoly (jereo 2 Kor 2.6) .Miasa feno ho fanafahana ny tsy mino ny Tompo ny Fanhy . Miasa ao amin’ny mino sy ny fiangonana , izay hirahiny hitory famonjena eto an-tany Izy . Raha miverina amin’ny Tompo ny Jiosy na ny tsy mino dia esorina izany ny tsy finoany . Mahita sy manana ny Voninahitr’i Jesoa Kristy avy amin’ny Fanahy Masina tahaka an’i Mosesy ny mino (and18) . Ovaina hanana ny endriky ny Voninahitr’ Andriamanitra ny olona . Raiso ny Fanahy Masina fa izany no sitrapon’ ny Tompo ho antsika .
Fanontaniana :
Voninahitra toy inona no tiantsika ho azo ?
Birao Sekoly Alahady FOIBE FJKM
Alarobia 28 Jiona 2017
Vavolombelon’ny Tompo ny Fanahy Masina
Mika 5.3-8
Feno ny Fanahin’i Jehovah ny mpaminany
1-Feno hery ny mpaminany hanambara ny fitsarana
Asan’ny Fanahy Masina ny mampiteny sy mampijoro vavolombelona ny mpaminany Mika . Feno hery avy amin’ny Fanahy Masina hanambara fitsarana an’i jerosalema sy i Samaria izy taonjato VIII talohan’i JK . Hotsaraina noho ny fahotany ny lehibeny sy ny mpitsara ary ny mpisoroana (and4,11) . Eto dia manambara ny fahotan’ireo milaza azy ho mpaminany i Jehovah , mampaniasia ny olona (and5), manaikitra amin’ny nifiny , miantso ady masina . Mitory fiadanana izy nefa mampivily ny vahoakan’ Andriamanitra . Hotsaraina ny mpaminany ireo lainga ka tsy homena fahitana sy fahazavan’ny Soratra Masina intsony (and16).
2-Feno ny rariny sy ny faherezana ny mpaminany
« mba hanambara amin’i Jakoba ny helony sy amin’Israely ny fahotany » ny iraka ataon’i Mika mpaminany eto (and 8) . Ny Fanahy Masina dia tsy mamela ny mpaminaniny hangina eo anatrehan’ny tsy rariny sy ny fahotana . Fahefan’i Jehovah ny mitsara ny mpaminany lainga . Mampirisika sy mampijoro ny mpaminaniny ny Tompo , amin’ny alalan’ny Fana. hy Masina. Fotoana hampijoroana ny mpino ihany koa izao fotoana izao , mba tsy ho mpanara-drian-drano fotsiny manoloana ny firohotan’ny maro amin’ny faharatsiana sy ny tsy fahamarinana ary ny fanompoantsampy izao .
Fanontaniana :
Sahy hitory fitsarana tahaka izany amin’ny mpanapaka sy manao ny marina ve isika ?
Birao Sekoly Alahady FOIBE FJKM
……………………………………………………………………………………………………………………………..
Talata 27 Jiona 201
Vavolombelon’ny Tompo ny Fanahy Masina
1 Samoela 10.9-13
Jehovah mandatsaka ny Fanahiny amin’i Saoly
1-Manome fo vaovao an’i Saoly
Manambara ny fanovan’ Andriamanitra ny maha-olona manontolo ny fanomzany fo vaovao . Hifamatotra amin’ Andriamanitra feno sy ho eo akaikiny i Saoly . Asan’ny Fanahy Masina ny manova fo . Tsy mari-pototra izany ny fiovan’ny toe-panahy sy ny toetran’ny olombelona raha tsy vokatry ny Fanahy Masina . Hitarika an’i Saoly hanaovany ny sitrapon’ Andriamanitra ny Fanahy Masina . Ireo zavatra nambaran’i Samoela mpaminany tamin’i Saoly , rehefa nifanena taminy izy dia tanteraka avokoa (and2 .3-4 -5 -6). Miankina tanteraka amin’ny Tenin’ Andriamanitra ny fanompoana izay horaisiny , tsy ondry iray intsony no hotadiaviny fa ny firenen’ Israely rehetra . Tendrena hanompo ny Tompo i Saoly mpanjaka .
2-Manendry an’i Saoly ho Mpaminany
Ataon’ny Fanahy Masina ho mpaminany i Saoly . Ny mpaminany dia tsy mpilaza ny ho avy fotsiny , fa ny fanambarana ny Tenin’ Andriamanitra mabontolo amin’ny fiainana manontolo . Tanteraka izany « rehefa nifanena tamin’ny mpaminany iray dia izy »(and10). Mialoha ny hampitoerana an’i Saoly ho mpanjaka dia nofenoina ny Fanahy Masina izy mba hitarika azy sady hankatoavany ny Tenin’ Andriamanitra . Tefena ho mpanompon’ny Tenin’ Andriamanitra aloha izy mba hahatsiarovany fa ny sitrapon’ ny Tompo no hotanterahany eo amin’ny fitarihany ny Zanak’ Israely
Fanontaniana :
Ilain’ny mpitondra fanjakana ve izao lalàna izao ?
Birao Sekoly Alahady FOIBE FJKM
……………………………………………………………………………………………………
