Mijoroa amin’ny finoana marina
Mofonaina anio: Asabotsy, faha 21 Oktobra 2023
DEOTERONOMIA 13.7-10
DEOTERONOMIA 13.7-10
7 Raha mitaona anao mangingina ny rahalahinao, zanaky ny reninao, na ny zanakaolahy, na ny zanakao-vavy, na ny vady andefimandrinao na ny sakaizanao izay toy ny ainao, ka manao hoe: Andeha isika hanompo andriamani-kafa (izay tsy fantatrao, na ny razanao), 8 dia ny andriamanitry ny firenena izay manodidina anareo, na ny akaikinao, na ny lavitra anao, hatramin'ny faran'ny tany rehetra), 9 dia aza manaiky azy na mihaino azy ianao; ary aza mba iantran'ny masonao izy, na amindranao fo, na afeninao; 10 fa vonoy ho faty izy; ny tananao no ho voalohany hamono azy, dia vao ny tanan'ny vahoaka rehetra.1-Mijoroa amin’ny finoana marina (and 7,9)
« Raha mitaona alahinao , zanaky ny reninao na ny zanakao lahy na ny zanakao vavy ,na ny vady andefimandrinao na ny sakaizanao izay toy ny ainao …dia aza manaiky azy na mihaino azy ianao » ,hoy ny voambara eto. Misongadina ao anatin’izany fa anjaran’ny mino no mihazona ny finoany sy ny faharesen-dahany ary ny fahavononany hifikitra amin’Andriamanitra , na dia ao anatin’ny ankohonana aza (tena olona akaiky) no mitady hitarika ho amin’ny fanompoan-tsampy . Amin’ny fotoana milamina mantsy ,tsy dia hita izany fa rehefa tonga ny zava-tsarotra ,toy ny aretina, ny olana ara-bola sns …, ka mila ho very hevitra dia mipoitra amin’izay io fitaomana hitady vaha-olana amin’ny andriamanin-kafa io,fa isika mino , na inon-kidona . Jesoa ihany no Tompontsika sy tompointsika.
2-Aza miray tendro amin’ny fanompoan-tsampy (and10)
« Ary torahy vato ho faty izy satria efa nitady hitaona anao hiala amin’i Jehovah Andriamanitrao » . Ny hevitra mafonja ao anatin’izany dia hoe: tsy miray petsapetsa amin’izay endrika fanompoan-tsampy isika , ary tsy vitan’ny hoe : mitsipaka sy mandà fotsiny fa tena manala izany hatramin’ny fakany eo amin’ny fiainantsika . Alavirina impito mandifotra olona ny sampy , ary tsy iombonana na minitra iray monja aza ny hevitra mitarika hanompo sampy, ka anarina mafy izay mitady hitarika anao na ny hafa. Tsy amin-kery setra akory ,fa amim-pahendrena feno ,fa hoy i Jesoa « hendre tahaka ny voromailala ary fetse tahaka ny menarana » (Mar 10.16)
Fanontaniana :
Inona no fepetra tokony ho raisina raha misy mitady hivily ho amin’ny fanompoan-tsampy ao amin’ny ankohonanao ?
Sampana Sekoly Alahady FOIBE FJKM