Rehefa miseho eo anatrehan’ny Tompo
Mofonaina anio: Talata, faha 24 Aogositra 2021
MIKA 6.6-8
MIKA 6.6-8
6 Inona no ho entiko manatona an'i Jehovah Sy miondrika eo anatrehan'Andriamanitra Izay any amin'ny avo? Hanatona Azy mitondra fanatitra dorana Sy ny ombilahy kely iray taona va aho? 7 Ho sitrak'i Jehovah va ny ondrilahy arivoarivo, Na renirano diloilo iray alina? Hanolotra ny lahimatoako noho ny fahadisoako va aho, Na ny ateraky ny kiboko noho ny fahotan'ny fanahiko? 8 Ry olombelona, efa naseho anao izay tsara Sy izay ilain'i Jehovah aminao, Dia izao ihany: Ny hanao ny marina sy ny ho tia famindram-po Ary ny hanaraka an'Andriamanitrao amin'ny fanetren-tenaRehefa miseho eo anatrehan’ny Tompo
Misy voambolana ampiasaina eto hoe : manatona an’i Jehovah sy miondrika eo anatrehany .Tsy mahazatra ny kristiana izany voambolana izany , kanefa ny fanaony no voambara amin’izany : mandeha miangona mba hivavaka amin’Andriamanitra .Misy fanontaniana eto hoe : inona no entina rehefa mivavaka ?Ny zavatra azo antoka aloha dia tsy tĂ nam-polo mihitsy fa mila mitondra zavatra hanomezam-boninahitra Azy.
1-Halaviro ny vavaka amin’ny endrika ivelany
Misy fiheveran’ny olona tamin’izany fa ny fanatanterahana ny tenin’ny lalĂ na dia ny fanaovana fanatitra betsaka izay vita (hIta eto ,ny fanatitra ombilahy iray taona , ondrilahy aroarivo, renirano diloilo iray alina , fahafoizana ny lahimatoa ).Na izany aza anefa dia fombam-bavaka amin’ny endriny ivelany ihany izany satria tena azo antoka ve fa mibebaka miaraka amin’izany tokoa ny fo sy ny saina ? Inona no mahatonga ny Tompo hiteny hoe : aza mitondra fanati-poana intsony . Fofona fahavetavetana amiko izany ? Isa 1.11-13
3-Fantaro izay tena ilain’ny Tompo
-Manao ny marina amin’ny sehatra rehetra izay misy ny tena.
-Ho tia famindrampo manoloana ny olona izay mila izany .
-Hanaraka an’Andriamanitra amin’ny fanetrentena .Ny hoe : « manetry tena » dia manafoana ny tena ka amin’izany dia Andriamanitra no asandratra , kanefa koa tokony hotsarovana hatrany fa tsy foana tsy akory ny fikelezana aina ao amin’ny Tompo.
Fanontaniana :
Inona no ilain’nyTompo amin’ny olona mivavaka Aminy ?
Sampana Sekoly Alahady FOIBE FJKM