Miasà amin’ny fatahorana an’Andriamanitra
Mofonaina anio: Alahady, faha 13 Septambra 2020
GENESISY 42.18-21
GENESISY 42.18-21
18 Ary nony tamin'ny andro fahatelo dia hoy Josefa taminy: Izao no ataovy, dia ho velona ianareo; fa izaho matahotra an'Andriamanitra: 19 Raha olo-marina ary ianareo, dia aoka ny anankiray aminareo mirahalahy avy no hafatotra ao amin'ny trano-maizina nitoeranareo; ary mandehana ianareo hitondra vary noho ny mosary any amin'ny tranonareo; 20 ary ny zandrinareo faralahy dia ento mankaty amiko; dia ho hita fa marina ny teninareo, ary tsy hovonoina ianareo. Ary nataony izany. 21 Dia niresaka hoe izy: Efa meloka tokoa isika noho ny amin'ny rahalahintsika, satria nahita ny fahorian'ny fanahiny isika, raha nitaraina tamintsika izy, nefa tsy mba nihaino isika; koa izany no nahatongavan'izao fahoriana izao amintsika.Miasà amin’ny fatahorana an’Andriamanitra
1-Amin’ny fandraisana fepetra eo amin’ny andraikitra (and18-20)
Tamin’ny andro fahatelo nihibon’ny rahalahin’i Josefa tao an-tranomaizina dia nandray fepetra Josefa . Ny sivy navoaka , ny iray kosa mbola notanany tao , miandry ny fiverenan’ireo rahalahiny avy any Egypta . Fepetra tsy maintsy noraisiny izany , satria te- hahalala izy (Josefa) raha efa niova izy ireo aminn’y toetra ratsiny , ary ho famaizana azy ireo tsy hanao izany intsony na amin’iza na amin’iza . Ny kristiana koa dia tokony handray fepetra eo amin’izay andraikitra nifidianana azy , mba hahatanterahana ny asa (iraka nanirahana). Tsy hanao « eny tompoko » am-bava fotsiny , fa hiasa amin’ny fatahorana , kanefa araka ny fepetra mifehy eo amin’ny andraitra nifidianana ny tena .
2-Ho fampahatsiarovana ny heloka natao (and 21)
Tsy valifaty tamin’ny nataon’ny rahalahiny akory izao fa anatra ho azy ireo mba tsy ho ratsy fanahy na ho feno fialonana intsony .Toy ny rehetra manana kilema sy fahalemena dia ny fahatsiaroana ny heloka natao no zava-dehibe (and21,22) . Matetika rehefa manafina fahotana amin’ny fiainantsika isika dia Andriamanitra mihisy no manokatra ny saintsika hahatsiaro meloka. Koa izay iray alehany , na isika manamafy fo , na isika manetry tena eo anatrehany , miaiky ny fahotantsika sy hanapa-kevitra hanao marina amin’izany Jesoa Kristy dia miantso anio . Tsarovy ny heloka izay natao tamin’ny rahalahinao . Aoka ho amin’ny fatahorana fa tsy amin’ny fireharehana no amelana ny helok’izay manana alahelo aminao .
Fanontaniana :
Manaiky marina tokoa ny heloka vitanao ve ianao sa noho ny henatra olona ?
Sampana Sekoly Alahady FOIBE FJKM