Sahia mitory ny fahamarinana
Mofonaina anio: Zoma, faha 06 Jolay 2018
Sahia mitory ny fahamarinana
Salamo 11.4-7
4 Jehovah dia ao amin'ny tempoliny masina, ny seza fiandrianan'i Jehovah dia any an-danitra; ny masony mijery, eny, ny hodi-masony mizaha toetra ny zanak'olombelona. 5 Jehovah mizaha toetra ny marina; fa ny ratsy fanahy sy ny mifaly hampidi-doza dia samy halan'ny fanahiny. 6 Handatsaka fandrika amin'ny ratsy fanahy Izy tahaka ny fandatsaka ranonorana; afo sy solifara ary rivo-mahamay no ho anjara kapoakany. 7 Fa marina Jehovah, ka fahamarinana no tiany; ny mahitsy no hahita ny tavany*.[Na: Ny mahitsy no hitan'ny tavany]Sahia mitory ny fahamarinana
Salamo 11.4-7
Ny mpanompon’ Andriamanitra marina
1-Andriamanitra mahita ny fiainany
Manoloana ny toe-javatra sarotra atrehana eo amin’ny fiainana dia mino ny mpanompon’ Andriamanitra fa misy Ilay Andriamanitra azony ialofana, anankinana ny fiainany, noho izany tsy handositra izy fa vonona hiatrika na dia ny hetraketraka ataon’ny fahavalo aza. Mametraka ny fiainany amin’ Andriamanitra izy . Andriamanitra no mijery, manara-maso akaiky ny momba azy. Ny olona tsy manam-pinoana no mitady làlan-kafa itadiavam-pamonjena rehefa sendra ny sarotra. Ny mino an’ Andriamanitra kosa mivavaka Aminy .
2-Andriamanitra miaro ny mpanompony
Tsy ankasitrahan’Andriamanitra ny mandeha amin’ny làlan’ny faharatsiana. Ny ratsy fanahy izay mitady ny fomba rehetra hanakorontanana ny fiainan’ny olon’Andriamanitra. Noho izany, Andriamanitra dia miasa, miaro ny olony ary ny ratsy fanahy dia haringany, holevoniny toy ny nanandevonana an’i Sodoma sy Gomora . Manana tombotsoa manokana noho izanyny olon’ Andriamanitra mandeha amin’ny fahamarinana . Voaaro amin’ny asan’ny ratsy fanahy sy ny loza. Voatahiry ho amin’ny fiainana. Mijoro hatrany ho mpanompon’ Andriamanitra mahatoky miaina amin’ny fahamarinana dia ho azo antoka ny ho avinao .
Fanontaniana: