Hafatry ny Filoha / Okt 2019.
VONTOSY FILAZANTSARA
NY NOSY MADAGASIKARA!
Ny Fanahy anie hiasa
Hahatonga antsika hahery
Hahalala izay adidy
Manandrify antsika avy
Ka hahefa izany tsara,
tsy hitavandra olon-kafa,
tsy hanilka amin’ny hafa,
fa ho sahy mandray andraikitra.
Ny Fanahin’ny fahendrena
Anie hampanadino antsika
Ny kaijikajy politika
Rehefa ny ain’ny firenena
No efa tandindomin-doza!
Ny Fanahin’ny fahamasinana
No hanongotra ny fakan’
Ny sampy miorina any am-po
Izay mahatonga ireo milaza
Ho tena mpino an’Andriamanitra
Nefa misabaka ihany
Ka mitady hery hafa
Hiantsampazana, hiankinana.
Ka izy ireny indray no poizina
Ho an’i Madagasikara.
Nampoizina ho tena mpino,
Fanasina sy fahazvana;
Nefa loza, lozan-tany,
Fa mpihatsaravelatsihy
VONTOSY FILAZANTSARA
NY NOSY MADAGASIKARA!
IRAKO AMMI
