TSIANJERY KRISMASY
VAVAKA
Tompo ô Amin’izao Noely izao
Tongava Ianao hanavao
Ny fiaimpiainan’ny tsirairay
Indrindra ny eto aminay
Omeo Noely soa sahaza
Na lehibe e na zaza !
Ireo Mpitondra fanjakana
Ny Mpitantana fiangonana…
Na manampatra fahefana
Miaina anaty fialonana
Na ireo tsotra , tonga lafatra !
Samy omeo Noely sambatra
Na ireo tia fivavahana
Na izay mandeha mahalankalana
Ireo ory sy mahantra
Na izay manam-be zay tratra
Omeo Noelim-pamonjena
Samy hahay hanetry tena
Ny tsy mahay abidia
Na ny efa avara-pi…
Reo mahia sy voafonja
Ny tomady dongadonga
Omeo Noelim-pifaliana ,
Haravoana , fitsikiana
Ireo mpihatsaravelatsihy,
Mpankahala , mody tia
Ny ray sy reny mbamin-janaka
Omeo fo mifanaraka sy Noelim-pitiavana
Mba hahaizany mihavana
Mba hahaizany mihavana
Ireo mpianakavy miady ,
Mpiray tampo sy mpivady
Ny vinanto sy rafozana …
Midira ianao hamaha olana
Omeo Noely mahafinaritra
Santatry ny any an-danitra
