Ny fanambaran’i Jaona (and 32,33)
Mofonaina anio: Alahady, faha 17 Janoary 2021
JAONA 5.30-38
JAONA 5.30-38
30 Raha Izaho ihany, dia tsy mahay manao na inona na inona; araka izay reko no itsarako; ary marina ny fitsarako; fa tsy mitady ny sitrapoko Aho, fa ny sitrapon'izay naniraka Ahy. 31 Raha Izaho no manambara ny tenako, dia tsy marina ny fanambarako. 32 Misy Anankiray Izay manambara Ahy. ary fantatro fa marina ny fanambarana izay anambarany Ahy. 33 Hianareo naniraka tany amin'i Jaona, ary nanambara ny marina izy. 34 Fa Izaho tsy mandray ny fanambarana avy amin'olona; fa milaza izany zavatra izany Aho mba ho voavonjy ianareo. 35 Izy dia jiro nirehitra ka nazava; ary nahafinaritra anareo ny nifalianareo vetivety tamin'faharavany. 36 Fa Izaho kosa manana fanambarana lehibe noho Jaona; fa ny asa nomen'ny Ahy hovitaiko, dia izany asa ataoko izany no manambara Ahy fa nirahin'ny Ray. 37 Ary ny Ray Izay naniraka Ahy, Izy no nanambara Ahy. Tsy mba renareo ny feony, na hitanareo akory aza ny endriny, 38 ary ny teniny tsy mba mitoetra ao anatinareo, satria tsy mino Izay nirahiny ianareo.Ny fanambaran’i Jaona (and 32,33)
Hoy i Jesoa mamaly ny Jiosy hoe : « Misy anankiray manambara ny marina izy » . Tian’i Jesoa hasongadina amin’izany hasongadina amin’izany fa tsy mandehandeha ho azy akory ny filazany ny tenany hoe : zanak’ Andriamanitra Izy , fa misy olombelona efa nasaina hanambara Azy mialoha , nanomana ny lalany mialoha koa aza , dia i Jaona izay efa nilaza an’i Jesoa hoe : « Ilay avy aoriako » (Jao 1.27,30) . I Jaona izay fantatr’ireo Jiosy ireo tsara fa niara-belona taminy rahateo .
Ny asa ataon’i Jesoa (and 36)
« Fa ny asa nomen’ ny Ray Ahy hovitaiko dia izany asa ataoko izany no manambara Ahy » , hoy ihany i Jesoa manohy ny teniny . Ny asa vao hitan’ireto Jiosy ireto dia ny nanasitranan’i Jesoa ilay lehilahy efa narary valo ambin’ny telopolo taona teo amin’ny farihin’i Betesda. Anankiray amin’ny fahagagana maneho ny maha-Mesia an’i Jesoa io , ary ao amin’i Jaona dia famantarana no iantsoany ireny fahagagana nataon’i Jesoa ireny , fa tsy misy mahay manasitrana na mamelona aina na manangana ny maty raha tsy Andriamanitra irery ihany . Mino an’i Jesoa Mesia ianao , ary aza misalasala mangataka fa ny zavatra rehetra hainy atao , kanefa amin’ny fotoany sy ny sitrapony ihany fa tsy azontsika terena Izy .
Ny fanambaran’Andriamanitra Ray (and 37,38)
« Ary ny Ray izay naniraka Ahy , Izy no manambara Ahy , tsy mba renareo ny feony… » . Avoitran’i Jesoa kosa eto fa ny fanambaran’ Andriamanitra Ray momba Azy dia ao amin’ny Soratra Masina , ary efa hatrany amin’ny Testamenta Taloha izany ka ao amin’i Jesoa no fahatanterahany . Tianao ve ny hahalala an’i Jesoa ? Vakio à ry ny Soratra Masina fa ireny no manambara Azy ary sahia manatona Azy mba hanananao fiainana .
Fanontaniana :
Inona à ry izany no tokony atao raha te- hanana fiainana?
Sampana Sekoly Alahady FOIBE FJKM