Ny fahamarinan’ny Tenin’Andriamanitra
Mofonaina anio: Alahady, faha 13 Febroary 2022
ASAN'NY APOSTOLY 27.21-26
ASAN'NY APOSTOLY 27.21-26
21 Ary rehefa tsy nihinan-kanina ela izy ireo, Paoly dia nitsangana teo afovoany ka nanao hoe: Ry tompokolahy Ă´, tsara raha ho nihaino ahy ianareo ka tsy niala tany Kreta, mba tsy ho nahitana izao fahasimbana sy fatiantoka izao. 22 Ary ankehitriny mananatra anareo aho mba hatoky; fa tsy hisy ho faty ianareo, fa ny sambo ihany no ho very. 23 Fa nisy anjelin'Andriamanitra, Izay Tompoko sady tompoiko, nitsangana teo anilako halina 24 ka nanao hoe: Aza matahotra, ry Paoly; fa tsy maintsy hitsangana eo anatrehan'i Kaisara ianao; ary, indro, efa nomen'Andriamanitra anao ny olona rehetra izay miaraka aminao. 25 Koa matokia, ry tompokolahy Ă´, fa mino an'Andriamanitra aho fa ho tonga araka ny voalazany tamiko izany. 26 Nefa tsy maintsy fefika ihany eo amin'ny nosy anankiray isika.Ny fahamarinan’ny Tenin’Andriamanitra
1-Ampaherezina ny hafa
Niondrana an-tsambo ho any Roma i Paoly Apostoly . Niseho ny loza teny an-dranomasina . Notandomin-doza ny mpandeha rehetra.Nitsangana nampahery ireo olona tafara-dia taminy i Paoly Apostoly .Nambarany ny Tenin’Andriamanitra voarainy fa na dia eo aza ny loza mihatra , ny fahavoazana samihafa dia tsy hiharan’ny fahafatesana ny mpandeha fa ny sambo ihany no ho very (and22).Nampahereziny taminy ny Tenin’ny Tompo voarainy ireto mpiara-dia taminy : « Aza matahotra ,ry Paoly , fa tsy maintsy hitsangana eo anatrehan’i Kaisara ianao » (and24/Asa 23.11) .Aza tehirizina ho anao irery ny Tenin’Andriamanitra voarainao , fa zarao ho fampaherezana ny manodidina anao .
2-Anehoana ny finoanao amin’ny hafa
Mafy ny nanjo , kanefa noho ny Tenin’Andriamanitra noraisin’i Paoly Apostoly dia tsy niova ny finoany an’i Jesoa Kristy .Tao anatin’ny fotoan-tsarotra no nasehony tamin’ireto olona tafara-dia taminy ireto ny maha- Izy Azy Ilay Andriamanitra ninoany sy tompoiny .Mazava tsara ny teniny nambarany eto : Andriamanitra no Tompo sady tompoiny (and23). Andriamanitra marina mandrakariva Izy , ka izay lazainy tsy maintsy tanterahiny ho an’ny mino Azy sy manompo Azy (and25).Ny olon’ny finoana dia sahy maneho izany mandrakariva Ilay inoany , sahy mijoro ho vavolombelona. Mitana ny Teniny mandrakariva ny Tompo .
Fanontaniana :
Inona no tokony hataonao raha mandalo fotoan-sarotra ny fiainanao ? Hazavao.
Sampana Sekoly Alahady FOIBE FJKM