Hiverina amin’ny laoniny ny fiainan’ny olona
Mofonaina anio: Talata, faha 15 Aogositra 2023
Jeremia 30,8-11
Jeremia 30,8-11
8 Fa amin'izany andro izany, hoy Jehovah, Tompon'ny maro, dia hotapahiko ny ziogany ho afaka amin'ny vozonao sy hotosako ny fatoranao. Ary ny firenena hafa tsy hampanompo anao* intsony; [Heb. azy] 9 Fa ianao hanompo an'i Jehovah Andriamanitrao* sy Davida Mpanjakanao*, Izay hatsangako ho anao.[Heb. Mpanjakany] 10 Koa aza matahotra ianao, ry Jakoba mpanompoko, hoy Jehovah; Ary aza mivadi-po, ry Isiraely; Fa, indro, hovonjeko avy any lavitra ianao ary ny taranakao avy any amin'ny tany izay nahababo azy; Dia hiverina Jakoba ka hiadana sy handry fahizay, ka tsy hisy hanaitaitra azy. 11 Fa momba anao hamonjy anao Aho, hoy Jehovah; Koa na dia levoniko aza ny firenena rehetra izay nampielezako anao, Hianao tsy mba holevoniko; Nefa kosa mba hanariko araka ny antonony ihany ianao, fa tsy dia havelako fotsiny.Hiverina amin’ny laoniny ny fiainan’ny olona
Lasa babo ny olona noho ny ratsy nataony
Mpaminany sahy nilaza ny faharatsian’ny olona i Jeremia ary ny ankapoben’ny teny faminaniana nataony dia milaza fa feno faharatsiana ny olona. Niala tamin’ny fanompoana sy fivavahana tamin’Andriamanitra ka tsy maintsy ho lasa babo any amin’ny firenena jentilisa, sy hanompo azy amin’izany izy noho izany faharatsiana niniany natao izany. Nahatezitra mafy ny Tompo mantsy izay nataon’ny olona ka hamaly izany Izy. Manamarina izany izay voalazany hoe: «hanariko araka ny antonony ihany ianao, fa tsy dia havelako fotsiny» (and.12).
Mpaminany sahy nilaza ny faharatsian’ny olona i Jeremia ary ny ankapoben’ny teny faminaniana nataony dia milaza fa feno faharatsiana ny olona. Niala tamin’ny fanompoana sy fivavahana tamin’Andriamanitra ka tsy maintsy ho lasa babo any amin’ny firenena jentilisa, sy hanompo azy amin’izany izy noho izany faharatsiana niniany natao izany. Nahatezitra mafy ny Tompo mantsy izay nataon’ny olona ka hamaly izany Izy. Manamarina izany izay voalazany hoe: «hanariko araka ny antonony ihany ianao, fa tsy dia havelako fotsiny» (and.12).
Ny hoe : zioga nanavesatra sy nampijaly ny olona teo amin’ny vozony sy ny fatotra namatoran’ny firenena hafa azy voalaza eto dia ilazana ireo zavatra sarotra sy mavesatra nataon’ny firenena nambabo ny olon’Andriamanitra. Satria nentina babo izy ireo, izany hoe : tsy maintsy nandao ny toerana niaviana ary koa nopotehina tanteraka ny toeram-ponenany manontolo, mbola nampandoavina hetra ihany koa izy ireo, nampanaovina asa anterivozona ka tamin’izany no namotehana ny kolontsainy sy ny fivavahany ary ny tempoly izay maha- izy azy. Hanafaka azy kosa Jehovah ka hanompo Azy ny olona.Na izany aza ny zava-misy efa iainan’ny olona dia mazava ny tenin’Andriamanitra eto satria voalaza fa hitondra fanafahana ho an’ny olony Izy. Manambara Izy fa hotapahiny ny zioga entin’ny olona ary hovahany ny fatorana namatorana azy ka hampodiany ho amin’ny taniny avy any amin’ny fahababoana indray ny olony. Araka izany, hanafaka ny olony Jehovah ka hanompo Azy ny olony fa tsy hanompo zavatra hafa intsony.
Fanontaniana:
Afaka manantena fanafahana avy amin’Andriamanitra ve ny olony?
Sampana Sekoly Alahady FOIBE FJKM