Fampiononana ho an’ny olona ianjadiam-pahoriana
Mofonaina anio: Alatsinainy, faha 13 Febroary 2023
JEREMIA 15;10-18
JEREMIA 15;10-18
Fampiononana ho an’ny olona ianjadiam-pahoriana
ny Tenin’Andriamanitra
Ity and 10-18 dia fitarainana atao amin’Andriamanitra nataon’i Jeremia satria fampahoriana no nataon’ny fahavalony azy ,tsy noho ny toetrany anefa izany fa manao ny asany amin’ny maha-mpitondra ny Tenin’Andriamanitra azy fotsiny izy ho an’ireo mponin’ny Joda ka dia misetra izany fampahoriana izany .Nampitondrain’Andriamanitra teny fambara loza izy ka hatezerana no nandraisan’ireo izany hany ka i Jeremia no nanamparany ny hatezerany .Eto i Jeremia dia mitaraina , kivy ka manome tsiny ny andron’ny fisiany teto an-tany .Ny vontoatin’ny Tenin’Andriamanitra ho fampiononana azy dia izao :
-Fampanantenana fahafahana amin’ny ataon’ireo fahavalo mampahory azy ireo
-Fahasambarana avy amin’ireo fahasoavana ho azony
Rehefa tojo loza sy zava-manjo amin’izay ny fahavalony dia entin’Andriamanitra ireo hifona sy hitalaho aminy noho ny ratsy nataony
Tsy maintsy mitondra fahoriana isika mpanompon’Andriamanitra izay irahiny hitondra ny teniny , satria hoy i Jesoa ao amin’ny Matio 10.22 : » ary ho halan’ny olona rehetra ianareo noho ny Anarako ». Mety handalovana alahelo na hakiviana , kanefa aza manary toky fa tsy miova ny Andriamanintsika . Io no Andriamanitra nitarainan’i Jeremia io ihany no mbola Andriamanintsika ankehitriny .
Fanontaniana :
Efa tezitra tamin’olona ve ianao tamin’ny Tenin’Andriamanitra izay nentiny ka notoriana taminao ?
Sampana Sekoly Alahady FOIBE FJKM