Ny fanomanana ny Paska
Mofonaina anio: Talata, faha 31 Martsa 2026
Sal 96. 1-5 / Hira 5 / Vavaka / Mofonaina / Vavaka / Hira 630
Lioka 22,1 - 4
1 Ary efa mby akaiky ny andro firavoravoana fihinanana ny mofo tsy misy masirasira, dia ilay andro atao hoe Paska. 2 Ary ny lohan'ny mpisorona sy ny mpanora-dalàna nitady izay hamonoany an'i Jesosy; nefa natahotra ny olona izy. 3 Fa Satana niditra tao anatin'i Jodasy, ilay atao hoe Iskariota, anankiray tamin'ny roa ambin'ny folo lahy; 4 dia nankao amin'ny lohan'ny mpisorona sy ny lehiben'ny mpiambina izy ka niresaka taminy ny amin'izay hamadihany an'i Jesosy amin'ireo.Ny fanomanana ny Paska
1-Ny nataon’i Jodasy
Samy sahirana amin’ny zavatra izay heveriny hatao na i Jesoa na i Jodasy. Raha ny tantara dia i Jodasy nanomana ny famadihana an’i Jesoa. Niditra tao aminy i Satana, dia nankao amin’ny lohan’ny mpisorona sy ny lehiben’ny mpiambina izy ka niresaka taminy ny amin’izay hamadihany Azy (and 3-4). Toy izany no fanomanana nataon’i Jodasy, tetika efa maty paika, ary tsara rindra. Ry havana, ny satana dia tsy faly ny amin’izay ijoroanao ho mpanompon’ Andriamanitra. Tsarovy fa mitady tetika mandrakariva izy ny amin’ izay handavoana anao, eny hahafaty koa aza. Aza mba mety ho fitaovana toa an’i Jodasy ianao. Raha sendra nalaim-panahy kosa ka niray tetika tamin’ny satana hamadika ny marina, fotoana fandinihan-tena izao, miverena ao amin’ny Tompo, mandray anao Izy.
2-Ny nataon’i Jesoa.
« Fa i Jesoa kosa naniraka ny mpianatra nitokiany dia i Petera sy Jaona hanomana ny Paska » (and.7-8). Andro firavoravoana teo amin’ny Jisoy ny Paska, fety lehibe andraisan’ny maro anjara, indrindra ny zanak’Andriamanitra, ary aloky ny zavatra ho avy (Kol2.16-17;Heb 10. 1). Ny famonjem-pahasoavan’
Fanontaniana:
Fanomanana ho an’iza no niomananao amin ‘izao andro Paska izao?
Foibe Sampana Sekoly Alahady