Alarobia 27 Novambra 2024

Jakoba 3.13-18

1- Ny Kristiana dia tokony ho manana fahalemem-panahin’ny fahendrena (and 13)

Ny fiainan’ny Fiangonana dia tsy ilaozan’izay Kristiana maneho ny tenany ho hendry sy masina ary tsy manan-tsiny ary alaim-panahy hitsara ny namany amin’ny hasiakana. Toy izany no nitranga tao amin’ity Fiangonana izay tian’i Jakoba mpanoratra ambara ity. Mety misy tokoa izany ankehitriny saingy tsy afaka ny hitsara ny namana isika satria samy mpanota avokoa saingy ny endrim-pahotana no tsy mitovy. Ary manaraka izany indrindra dia tokony halemy fanahy amin’ny namana ihany koa. Misy Soratra Masina manao hoe: «Fa ny vokatry ny Fanahy kosa dia fitiavana fifaliana, fiadanana, fahari-po, fahamoram-panahy, fanaovan-tsoa fahamarinana » Galatiana 5.22.

2- Ny Kristiana ihany koa dia tokony ho tia fahadiovam-panahy, sy fahadiovana ivelany

Izany hoe tsy mankafy fahotana sy ny fahavoretrana. Ny Kristiana koa dia tokony ho tia fihavanana, mandefitra, mora alahatra, be famindram-po, be vokatsoa izany hoe mizara zava-mahasoa ny ara-panahin’ny olona sy ara-batana ary ny ara-tsainy.

Fanontaniana

Efa mba iainatsika avokoa ve?

Sampana Sekoly Alahady Foibe