Zoma 20 Janoary 2023

MATIO 11.25-27

Andriamanitra no loharanon’ny fahazavan-tsaina

Nisy tanàna maro na dia nanehoan’i Jesoa Kristy asa lehibe aza dia tsy tonga tamin’ny finoana Azy .

1-Hendry amin’ny sitrapony

Rehefa avy nilaza ny alahelony ny amin’ireo tanàna izay tsy nandray Azy na dia nanaovany asa mahagaga maro aza i Jesoa Kristy ka nampahatsiaro fa ho loza no hahazo azy ireo amin’ny fitsaran’Andriamanitra , dia indro Izy midera an’Andriamanitra noho ny fahatsapany ny fahendrena lalina sy saro-pantarina amin’ny sitrapon’Andriamanitra .Ary asehon’i Jesoa Kristy eto fa ny tokony hatao manoloana izany dia ny manaiky : »Eny Raiko , fa izany no sitraponao » .Tsy voatery ho takatry ny saina sy ho fantatra avokoa ny sitrapon’Andriamanitra fa ny anjarantsika dia ny manaiky sy mankato.

2-Miafina nefa aseho am-pitiavana

Eo anatrehan’Andriamanitra ,isika olombelona dia toy ny tanimanga eo an-tànan’ny mpamolavola azy , izany hoe: tsy afaka hahalala izay tian’ilay mpamolavola hanaovana azy .Anisan’ny nahatongavan’i Jesoa Kristy tety an-tany ,araka izany ny hitarika antsika olombelona ho amin’ny fahalalana tsara an’Andriamanitra araka izay tena isehoany , fa tsy araka izay ezaky ny fisainana maha-olombelona fotsiny ihany .Tsy natao ho an’ny rehetra anefa izany fanehoana an’Andriamanitra izany fa ho an’ny zanaka sy izay tian’ny zanaka hanehoana azy « ihany .Koa meteza ho zanak’Andriamanitra amin’ny alalan’i Jesoa Kristy mba ho isan’izay « zaza madinika » mahalala tsara ny amin’Andriamanitra.

Fanontaniana :

Inona no hatao mba ho to,ga zanak’Andriamanitra ?

Sampana Sekoly Alahady FOIBE FJKM

Perikopa 2023

Febroary: NY FAHEFAN'NY TENIN'ANDRIAMANITRA

| | 05. Ala. V man.Epifania
Zak 1.1-6/ Mar 1.21-28 / Heb 1.1-4

| | 12. Ala.VI man.Epifania-Alahadin'ny Baiboly
1Mpan 13.1-6 /Lio 8.22-25/ 2 Tim 3.14-17

| | 19. Ala.VII man Epifania -Arsiva FJKM
Eks 20.18-26 / Jao 12.44-50 / Asa 19.11-20

| | 26. Karemy I
Deo 18.20-22 / Mar 2.1-12/ Heb 4.12-13

FJKM Fahazavana

Alahady 29 Janoary 2023