Alakamisy 01 Desambra 2022
1 SAMOELA 13.13-15
Tsy mankasitraka ny mivadika andraikitra
1-Mitsara ny olona araka ny asany ataony Izy
Ny ho mpanapaka ny Israely no nifidianana’Andriamanitra an’i Saoly .Raha niady tamin’ny Filistina anefa ny Israely dia indro nisalovana ny asan’ny mpisorona i Saoly .Izy no nanatanteraka ny fanateram-panatitra (and 9).Mazava ny teny nambaran’i Samoela : diso , adala iSaoly satria tsy nitandrina ny didin’Andriamanitra .
2-Manaisotra ny fitahiana
Mpanjaka voalohany teo amin’Israely i Saoly .Mifarana eo aminy ny fanjakany ; mpanjaka tsy hanana taranaka handimby izy . Tsy haharitra ny fanjakany. Nesorin’Andriamanitra tsy ho aminy ny fitahiana tokony ho anjaran’izy sy ny taranany. Efa manomana mpanjaka handimby azy Andriamanitra. Mitandrema mandrakariva mba tsy ho very ny fitahiana ho anao sy ny taranakao .
2-Mamela ho irery
Nandao an’i Saoly I Samoela .Ao anatin’ny ady mafy izy , kanefa nandao azy ilay nanosotra azy ho mpanjakan’Israely.Niady irery tsy nisy mpanolo-tsaina izy teo amin’ny fandaminana ny olona entina miady( and15) . Tsy miandany,tsy momba izay mivadika amin’ny fanekena nataony Andriamanitra .Mahaiza mankato ny sitrapon’Andriamanitra dia tsy irery ianao miatrika ny fiainana .
Fanontaniana:
Inona no tokony hatao mba hahazoana misitraka ny fitahiana avy amin’Andriamanitra ?
Sampana Sekoly Alahady FOIBE FJKM