Sabotsy 02 Jolay 2022

EKSODOSY 35.20-29

Mitaona antsika ny mofonaina anio mba :

1-Hahafoy araka izay ananantsika ho an’Andriamanitra (and 20-24)

« Ary samy nanatona izy , dia izay rehetra nampahazotoin’ny fony ary izay rehetra namporisihan’ny fanahiny , ka nitondra fanatitra ho an’i Jehovah hanaovana ny trano lay fihaonana sy ny fanompoana rehetra momba azy ary ny fitafiana masina « . Tantaraina amintsika eto fa tsy nisy vonona hanolotra ho an’Andriamanitra ny olona hanaovana ny tranolay fihaonana , izay heverina fa itoeran’Andriamanitra .Voambolana miverina matetika eo ny hoe : « namporisihan’ny fony » na « nampahazotoin’ny fony  » izay maneho fa am-pitiavana tsy misy teritery no nanoloran’ny olona ho an’Andriamanitra , satria mahatsiaro izy ireo fa lehibe ny fitiavana sy ny famonjena antsika hatraiza ary ny fahasahiantsika manolotra ho an’ny tranon’Andriamanitra . Sahia àry manolotra ny tsara indrindra , ny sarobidy indrindra hanaovana ny asan’Andriamanitra amin’ny sehatra misy anao.

2-Hiasa ho an’Andriamanitra (and25)

Tsy ny fanomezana ihany no hitantsika taratra eto fa ny fahafoizan-tena ihany koa , ary tena sarobidy izany . Hita eto fa ny vehivavy voalaza fa hendry dia nisy « namoly tamin’ny tànany« .Izany hoe : tsy natao ho an’izay manam-bola na fitaovana hatolotra ihany ny fahafoizana ho an’Andriamanitra fa ny fahafoizan-tena ho an’Andriamanitra ihany koa dia tena zava-dehibe . Aoka tsy ho diso hevitra àry isika ka hoe : ny vola atolotra fa ny tena tsy omena . Jereo i Jesoa , ny tenany no natolony.

Fanontaniana

Nahoana no tsy mahafoy loatra hanaovana ny asan’Andriamanitra ny olona ankehitriny ?

Sampana Sekoly Alahady FOIBE FJKM