Hafatry ny Filoha / Jona 2022
VONTOSY FILAZANTSARA
NY NOSY MADAGASIKARA !
Dia hahita masoandro
Ny ankizy rehetrarehetra
Fa hahatsiaro ho tena tiana
Ireny zaza maro ireny.
Ho voahaja koa ny zony
Fa tsy ho lasa teny foana,
Satria voataiza ireo rehetra
Miandraikitra azy ireny
Mba handala ny fisiany.
Dia hiaina am-piadanana
Ny ankizy Malagasy!
Ary tsy ny maha olona
Azy ireny fotsiny ihany
No ho voahevitra, voajery,
Fa indrindraindrindra koa
Ny maha olona azy feno:
Zaza manana fanahy
Ary tena manan-jo
Ny ho zanak’Andriamanitra,
Ka hifaly mahatsiaro
F’efa zandrin’i Jesoa.
Dia tsy hoe ny zony ihany
No hisitrahan’izy ireny,
Fa ny adidiny ihany koa
No ho fantany sy hefainy:
Ho zaza hendry, mpankato!
VONTOSY FILAZANTSARA
NY NOSY MADAGASIKARA !
IRAKO AMMI
