Zoma 20 May 2022

Eksodosy 35:  30-35 

Ny Fanahy Masina ao amin’ny olom-boafidy 

Mba hisian’ny fahombiazana eo amin’ny asa fanompoana dia nomen’ Andriamanitra ny Fanahiny ny olom-boafidy. 

1- Manana fahendrena 

Toetra tsara mampiavaka ny olom-boafidin Andriamanitra ny fahendrena. Ny fahendrena dia ny fahatahorana ilay Andriamanitra nifidy. lo tahotra io dia manery asa hanao asa tsara sy mendrika ho an’ilay Andriamanitra nifidy. Rehefa ao anatin’ny olona ny Fanahin’ Andriamanitra dia miezaka manao asa tsara, hanao asa mendrika izy, hoy ny and.32 «ny hamoron -tsaina hanao asa kanto» 

2- Manana fahaizana 

Hoy ny and.31 « nofenoina ny Fanahin’Andriamanitra… fahiratan-tsaina ..» Ny Fanahy Masina dia mpampianatra, mpanolontsaina, rehefa manaiky ny asan’ny Fanahy Masina noho izany ilay olom-boafidy dia manana fahaizana, manana fahiratan-tsaina, afaka mamorona, afaka miketrika asa miavaka ho fanomezana voninahitra ilay Andriamanitra nifidy azy. 

3- Manana fahaiza-mampianatra 

Tsy miasa irery ilay olom-boafidy, misy ireo mpiara-miasa aminy, Mba ahafahany mampita ny fahalalana, ny toro-marika amin’ny asa tanterahina amin’ireo mpiara-miasa aminy dia nomena azy ihany koa ny Fanahin Andriamanitra. Ny asan’ny Fanahy Masina araka izany dia mitarika ny olom-boafidy hizara ny fahaizany, hampianatra ny mpiara-miasa aminy mba hahafahana manatanteraka ny tanjona kendrena. 

Fanontaniana :

Misy ve olom-boafidy manao asa kitoatoa? Nahoana?

Sampana Sekoly Alahady FOIBE FJKM

Perikopa 2022

Jolay: IORENANA AMIN'NY  NY FINOANA  NY FANOMPOANA

| | 10. Ala.IV man.Trinite-Sampana Tanora Kristiana
Jos 2.1-16/ Mat 8.14-17/ 1Tim 4.11-16

| | 17. Ala. V man.Trinite -Samp Fivondronana Laika
Sal 116.12-19/ Mar 6.7-13/ 1Tes 1.1-10

| | 24. Ala.VI man.Trinite
Jona 1.1-16/ Lio 4.38-41/ Jak 2.21-26

FJKM Fahazavana

FJKM ANOSIZATO ANDREFANA FONENANA MASINA (SP AA11)