Zoma 14 Janoary 2022

SALAMO 40.1-4

Mamonjy amin’ny fahoriana ny Tompo

Ity Salamo ity dia ahitana taratra fa voahodidina loza ny mpanoratra ka nitady famonjena tamin’ny Tompo . Tantarainy eto izay nataony sy ny nataon’Andriamanitra hamonjena azy .

1-Niandry dia niandry an’i Jehovah aho

« Niandry dia niandry an’i Jehovah aho... » (and2a) .Ny hoe : « niandry » dia tsy midika ho nipetra-potiny fa voafaritra ao anatin’izany ny fitarainana fatratra amin’Andriamanitra ,ny fanantenana ny famonjen’Andriamanitra .Tsy maintsy nisy fanantenana ny famonjen’Andriamanitra .Tsy maintsy nisy ny fiaretana sy faharetana tao anatin’izany , sady efa tsy nahita làlan-kaleha intsony ny mpanao Salamo fa nahatsiaro ho toy ny latsaka tao anaty lavaka fandringanana sy fotaka mandrevo .Izany hoe : tsy nanan-kery hamonjeny ny tenany intsony izy fa tsy maintsy mila famonjena . Amin’ny fotoana toy izany indrindra no isehoan’ny tena fahatokiana an’ Andriamanitra ka hiandrandrana famonjena avy Aminy .

2-Miditra an-tsehatra mamaha olana Izy

Toarian’ny fitarainany dia mijoro ho vavolombelon’ny famonjen’Andriamanitra ny mpanao Salamo ka mitantara izay nataon’ny Tompo taminy : na dia avo aza Izy dia niondrika ka nijery azy sady nihaino ny fitarainany. »Ary nitodika nitsinjo ahy Izy ka nandre ny fitarainako » (and2b) , nisintona azy avy tao an-davaka lalina Izy , nampakatra azy avy tamin’ny fotaka mandrevo Izy ka nampijoro azy teo ambony vatolampy .Nasiany hira fiderana teo am-bavany. Raha mametraka ny fiainantsika eo am-pelatànan’ny Tompo isika ka manaiky ho tonga zanany amin’ny alalan’ny fanavotana nataon’i Jesoa Kristy ,dia Izy no mamonjy sy manafaka antsika ary mandrindra ny làlana rehetra alehantsika ;

Fanontaniana :

Nahoana no avelan’Andriamanitra hiseho ny loza samihafa?

Sampana Sekoly Alahady FOIBE FJKM

Perikopa 2022

Janoary: MAHARITRA TSY MIOVA NY TOMPO

| | 30. Ala IV man Epifania / Marary hoditra
Lev 14.1-9 / Lio 5.12-16 / 1 Jao 3.1-6

Febroary: MITANA NY TENINY NY TOMPO

| | 06. Ala .V man. Epifania
Gen 15.7-21/ Lio 2.25-35/ Apo 21.1-5

| | 13. Ala.VI man.Epifania- Alahadin'ny Baiboly
Isa 55.6-11/ Mat 24.32-35 / Asa 27.21-26

| | 20. Ala .VII man.Epifania-Arsiva FJKM
Nom 23.16-24 / Jao 16.19-24 / Tit 1.1-4

FJKM Fahazavana

FJKM ANKADIKELY ILAFY