Talata 11 Janoary 2022

Marka 12. 28 – 34

Tsy lavitra ny fanjakan’Andriamanitra

Maro amin’ny olona, na dia ny milaza azy ho Kristiana aza, no tahaka an’ity mpanora-dalàna ity.  » Tsy lavitra ny fanjakan’Andriamanitra ianao », hoy i Jesoa.

1- Tsy lavitra saingy tsy ao anatiny fa any ivelany

Rehefa novalian’i Jesoa ny fanontanian’ireo Sadoseo dia nisy mpanora-dalàna iray indray nanantona Azy, nanontany hoe: Inona no voalohany amin’ny didy rehetra? Namaly izany tamin’ny fomba mazava Jesoa ka nampiaiky azy ny valin-tenin’i Jesoa. Ny mampalahelo dia olona mba nahalala ny Soratra Masina ihany, olona tia vavaka, olona efa niresaka tamin’i Jesoa, sady manaiky ny fampianaran’i Jesoa no tombanany hoe: « Tsy lavitra ny fanjakan’Andriamanitra ianao ». Aiza ho aiza àry ny toerana misy antsika? Mbola lavitra sa akaiky? Anatiny sa ivelany?

2- Mahalala, saingy tsy mankato

Resy lahatra ity mpanora-dalàna ity fa marina sy mahitsy ny valin-tenin’i Jesoa, ny fitiavana an’Andriamanitra sy ny fitiavana ny namana no lehibe indrindra. Jiosy tia vavaka ity mpanora-dalàna ity no sady mahira-tsaina, ka nahatakatra izay nambaran’i Jesoa . Tsy ampy hahatafiditra ny olona any amin’ny fanjakan’Andriamanitra ny fahalalana ara-tsaina fotsiny ny lalàn’Andriamanitra. Ary tsy natao hisehosehoana ivelany fotsiny ny fanaovana izany fa ho vokatry ny fitiavan’Andriamanitra sy ny fitiava-namana. « Fa aoka ho mpankato ny teny ianareo, fa aza mpihaino ihany ka mamitaka ny tenanareo ». (Jak.1.22).

Fanontaniana:

Mahalala ny sitrapon’Andriamanitra kanefa tsy mankato . Inona no antony?

Sampana Sekoly Alahady FOIBE FJKM

Perikopa 2022

Janoary: MAHARITRA TSY MIOVA NY TOMPO

| | 30. Ala IV man Epifania / Marary hoditra
Lev 14.1-9 / Lio 5.12-16 / 1 Jao 3.1-6

Febroary: MITANA NY TENINY NY TOMPO

| | 06. Ala .V man. Epifania
Gen 15.7-21/ Lio 2.25-35/ Apo 21.1-5

| | 13. Ala.VI man.Epifania- Alahadin'ny Baiboly
Isa 55.6-11/ Mat 24.32-35 / Asa 27.21-26

| | 20. Ala .VII man.Epifania-Arsiva FJKM
Nom 23.16-24 / Jao 16.19-24 / Tit 1.1-4

FJKM Fahazavana

FJKM ANKADIKELY ILAFY