Alakamisy 16 Septambra 2021

ASAN’NY APOSTOLY 18.5-8

1-Nanolo-tena hitory ny Filazantsara i Paoly

Misy voambolana ampiasaina eto manao hoe: « voaterin’ny teny i Paoly ». Tsy raisina ara-bakiteny akory izany fa izay tiana holazaina kosa dia izao satria efa nantsoin’Andriamanitra izy ho mpitory ny Filazantsara ka dia nanoka-tena hitory izany izy ary ny Filazantsara ambara dia i Jesoa Kristy sy ny asam-pamonjena nataony ho an’ny mino Azy rehetra .

2-Nihamafy hatrany ny fanoherana azy

Rehefa torina sy ambara anefa izany Filazantsara izany dia misy hatrany ireo voaelingelina noho ny fahitsian’nyFilazantsara satria ny Tenin’Andriamanitra ambara mihitsy dia voalaza hoe : maranitrea toy ny sabatra roa lela ka manindrona hatramin’ny fampisarahana ny aina sy ny fanahy ary ny tonona sy ny tsoka ka mahay mamantatra ny eritreritra sy ny fisainan’ny fo , izany hoe : mampiharihary ny ratsy ataon’ny olona . Misy ny olona voatohintohina noho izany ka manenjika sy manaratsy no hany heriny , mifofo ny aina mihitsy aza ka izany no ilazana eto hoe : nihamafy ny fanoherana ny mpitory ny Filazantsara . Efa niteny izany iJesoa Kristy ary nampahery izay rehetra mihevitra hitory ny Filazantsara ka hamafisina amin’ny fiangonana koa izany .

3-Mitodika any amin’ny saha vaovao izy

Rehefa voaenjika sy haratsiana , fofoana aina tahaka izany ny mpitory ny Filazantsara dia misy ireo kivy ka mihemotra fa i Paoly kosa da nanapa-kevitra hitodika any amin’ny saha vaovao . Ny zava-dehibe dia ny fandrosoana hatrany hanatanteraka ny asa fitoriana ny Filazantsara na inona sakana na inona .

Fanontaniana :

Misedra zava-tsarotra ve ny mpitory ny Filazantsara ary inona no tokony hataony eo anatrehan’ izany ?

Sampana Sekoly Alahady FOIBE FJKM

Perikopa 2021

Oktobra: MIORENA AO AMIN'NY TOMPO AMIN'NY FANASANY

| | 17. Ala. XX man. Trinite - MAMRE
Isa. 56. 6 - 8/ Mat. 22. 1- 14/ Apo. 5. 6 - 10

| | 24. Ala. XXI man. Trinite - Samp. FifohazanaFJKM
Eks. 24. 1 - 11/ Mar. 14. 22- 25/ Rom. 15. 25 - 29

| | 31. Ala. XXII man. Trinite - Reformasiona
Eze. 43. 18- 27/ Jao. 6. 52- 58/ Kol. 1. 15 - 20

Novambra: TAFATOETRA NY FON'IZAY MIANDRY NY TOMPO

| | 07. Ala. XXIII man. Trinite
Sal. 57. 1 - 11/ Mat. 13. 36- 43/ Heb. 9. 23 - 28

FJKM Fahazavana

FJKM ANOSIPATRANA