Sabotsy 24 Jolay 2021

ASAN’NY APOSTOLY 16.6-15

Ny olona tarihan’ny Fanahy Masina

1-Mankato ny Teniny

« ka efa tonga tany an-tsisin’i Mysia dia nitady hankany Bytinia izy , fa tsy navelan’ny Fanahy Masin’i Jesoa  » (and7)

Naniry dia naniry i Paoly hitory Filazantsara tany amin’ny faritra avaratra atsinanan’i Asia Minora iny,dia i Bytinia izany , rehefa namaky ny tany Frygia sy Galatia . Tsy neken’ny Fanahy Masina anefa izany . Noho ny fankatoavan’iPaoly ny fitarihan’ny Fanahy Masina , dia tsy nankany tokoa izy . Ny olona izay tarihan’ny Fanahy Masina dia manaiky hampandefitra ny fikasany sy ny faniriany noho ny fankatoavana ny Tenin’ny Fanahy Masina . Tsy ny sitrapon’ny olona mahatsapa fa itoeran’ny Fanahy Masina akory no atao fa ny baikon’ny Fanahy no tanterahina . Koa ekeo ny baikon’ny Fanahy .

2-Mamaly ny antson’ny mila vonjy

« Mità mankaty Makedonia , ka vonjeo izahay! » (and9)

Fangatahana nataon’ilay lehilahy Makedoniana hitan’iPaoly Apostoly tamin’ny fahitana ny alina . Resy lahatra i Paoly sy ny namany avy any amin’ny faritra Asia Minora , ho any Makedonia amin’ny faritr’i Eropa. Fanapahan-kevitra nateraky ny antson’ilay lehilahy mangetaheta famonjena avy amin’ny Filazantsara. Ny olona manaiky hotarihan’ny Fanahy Masina dia maika hamaly ny antson’ny mila vonjy avy amin’ny Filazantsara , satria mihevitra izany ho antson’Andriamanitra handrenesan’ny hafa ny Filazantsara . Koa ny olona miorina amin’ny antson’ny Tompo dia maika hanambara ny Filazantsaran’i Jesoa Kristy araka ny fitarihan’ny Fanahy Masina

Fanontaniana :

Inona avy ny fomba sy toetra anehoanao ny maha-olom-boantson’ny Tompo anao ?

Sampana Sekoly Alahady FOIBE FJKM

Perikopa 2021

Septambra: MIORENA AO AMIN'NY TOMPO AMIN'NY BATISA

| | 19. Ala. XVI man. Trinite
Nom. 8. 5 - 12/ Mat.3 .5- 12/ Asa. 8. 34 - 40

| | 26. Ala. XVII man. Trinite - Sampana F.F.P
Nom. 31 . 21 - 24/ Lio. 12. 49- 53/ 1Kor 10. 1 - 5

Oktobra: MIORENA AO AMIN'NY TOMPO AMIN'NY FANASANY

| | 03. Ala. XVIII man. Trinite
Eks. 12 .21 - 29 / Lio. 22. 7- 20/ 1Kor. 11. 23 - 34

| | 10. Ala. XIX man. Trinite - Radio Protestanta FFPM
2Tan. 30. 13- 20/ Mat.26. 26- 29/ Asa. 2. 41 - 47

FJKM Fahazavana

FJKM ANKADIKELY ILAFY