Talata 04 Mey 2021

ASAN’NY APOSTOLY 11.1-18

Ny Fanahy Masina dia mikasa ho famonjena ny olona rehetra

Nanome tsiny an’i Petera ny Jiosy mpino satria nandray ny Jentilisa ho isan’ny mpino izy . Inona no navaliny izany?

1-Ny Fanahy Masina dia mahatonga antsika ho sahy hijoro ho vavolombelona

Fantatr’i Petera mazava tsara fa fandikana ny lalàna Jiosy ny fiampangana (Asa 10.28) . marim-pototra eo anatrehan’ny lalàna Jiosy , ka tsy misy azo ialana, raha araka ny fisainana maha-olona . Kanefa , rehefa nampahafantarin’ny Fanahy Masina azy izay tena sitrapon’Andriamanitra dia tsapany fa mifikitra amin’ny fomba sy ny lalàna izay efa nofoanan’Andriamanitra ireto mpiampanga azy ireto . Sahiny ny hijoro ho vavolombelona hanohitra azy ireo . Sahiny ny nanazava ny anton’izao fandraisana ny Jentilisa ho isan’ny mpino izao . Ny fitarihan’ny Fanahy Masina dia manafaka ny olona tsy ho andevon’ny fombafombam-pivavahana ivelany .

2-Ny Fanahy Masina dia mitarika antsika tsy hizaha tavan’olona ( and12 )

Niova fo ka nanaiky hatao batisa tamin’ny Anaran’i Jesoa Kristy ireo Jentilisa , ary nangataka an’i Petera mba hiara-mitoetra aminy andro vitsivitsy taorian’ny nanaovana batisa azy ireo (Asa 10.48). Nanaiky izany i Petera ka izany no nahatonga ny fiampangan’ny Jiosy azy taty aoriana. Tsy mba tahaka ny fijerin’ny olona ny fijerin’ny Tompo . Fa na dia izay heverin’ny olona ho fanao tsinontsinona sy maloto aza dia tian’Andriamanitra hovonjena . Ny olona manaiky ny fitarihan’ny Fanahy Masina dia mampandefitra ny fahamboniany sy ny fiheveran-tena ho zavatra , ka mitondra famonjena ho an’ireo izay voahilikilika . Jesoa koa dia efa nampangaina satria niantrano tany amin’ny mpanota .

Fanontaniana :

Mbola misy fanavakavahana ve ao amin’ny Fiangonana?

Sampana Sekoly Alahady FOIBE FJKM

Perikopa 2021

Mey: MAMPIORINA NY MINO NY HERIN'NY FANAHY MASINA

| | 16. Ala.VI man Paska
Neh 9.20-25/ Mat 12.14-21/ 1 Kor 12.12-13

| | 23. PENTEKOSTA- Alahady FFPM
Eze 36.22-30 /Jao 16.12-15 / 1Kor 2.1-5

| | 30. Ala. Trinite
Eks 31.1-5 / Lio 10.17-24 / 1 Jao 3.18-20

FJKM Fahazavana

Alahady 09 Mey 2021

FJKM AMBOHIMALAZA FIRAISANA