Sabotsy 20 Febroary 2021

NEHEMIA 8.1-8

Ny olona manaiky ny fahefan’ny Tenin’Andriamanitra

1-Manaiky hiombona (and1)

Rehefa niverina avy tany am-pahababoana ny vahoaka Jiosy dia tafatsangana ny manda. Vita ny paikady rehetra hampisy ny fandriampahalemana ny tany ary eto kosa dia nivory ny vahoaka rehetra hametraka ny fahefan’ny Tenin’ Andriamanitra .Raha tsy tonga amin’ny fankatoavana ny Tenin’Andriamanitra  mantsy ny vahoaka  dia ho zava-poana  ihany  ny fisian’ny manda natsangana sy ny paikady  rehetra napetraka hampandry fahalemana ny tany , ary izany  no nahatonga  izao fivoriana izao . Rehefa manaiky  hiombona sy hivory   hametraka  ny fahefan’ny Tenin’Andriamanitra  , dia i Jesoa Kristy , Ilay teny tonga nofo  ny  vahoaka dia ho tonga amin’izany  firenena izany ny fiadanana.

2-Manaiky  hihaino  ny TeninAndriamanitra

« Dia novakiana ary ny olona rehetra  dia nampandry  sofina hihaino ny bokinny lalàna » (and3)

. Tamin’ny fankalazana ny  fetin’ny trompetra ,rehefa tafangona avokoa ny vahoaka rehetra , raha tokony  hihaino ny feon’ny trompetra izy ireo  , dia nanaiky  hihaino  ny teny  avy  amin’ny bokin’ny lalàna . Novakiana ny bokin’ny lalàna nanomboka ny maraina ka hatramin’ny mitataovovonana . Naharitra tamin’ny fihainoana sy ny famakiana ny lalàna ny vahoaka , noho ny  faneken’izy ireo  fa manana fahefana eo  amin’ny fiainany manontolo  ny  bokin’ny lalàna  nanomboka ny maraina ka hatramin’ny mitataovovonana ; Naharitra tamin’ny fihainoana sy ny famakiana ny lalàna ny vahoaka , noho ny faneken’izy ireo  fa manana fahefana eo amin’ny fiainany manontolo  ny bokin’ny lalàna . Toy izany  ihany koa , ny tenin’i Jesoa dia manana fahefana eo amin’ny fiainan’ny olona , indrindra ireo mpino . Koa  maneke hihaino  ny Tenin’i Jesoa Kristy amin’ny faharetana dia ho  hitanao ny fahefany .

Fanontaniana :

Hatraiza ny faharetanao amin’ny fihainoana ny Tenin’Andriamanitra ?

Sampana Sekoly Alahady FOIBE FJKM

Perikopa 2021

Febroary: MAMPIORINA NY MINO NY TENIN'ANDRIAMANITRA

| | 28. Karemy II
2 Tant 12.1-8 / Jao 8.25-30 / Heb 13.7-16

Martsa: MAMPIORINA NY MINO NY FIZAHANTOETRA

| | 07. Karemy III
Gen 22.11-20/ Jao 6.1-13/ Heb 11.17-19

| | 14. Karemy IV
Deo 8.1-14/Lio 22.24-32/ 2 Kor 7.7-15

FJKM Fahazavana

FJKM ISOTRY FITIAVANA