Hafatry ny Filoha/ Feb 21
VONTOSY FILAZANTSARA
NY NOSY MADAGASIKARA !
Ka hanatrarana an’izany
Dia avelao hahazo laka
Samy hivelatra avokoa
Ny talenta rehetrarehetra,
ny fanomezam-pahasoavana
izay natolotry ny Tompo
hampandroso ny Fiangonany
ary tena hahafahany
manitatra isan’andro vaky
ny ambaindain’ny finoana
Fa izay talentanao,
tsy anao akory, raha ny marina,
fa ampindramina aminao,
tsy sanatria hoentinao
mieboebo, hisehoseho,
fa hoentinao hanompo
sady hanasoa ny hafa
Ary isika rehetra izao
Samy nizaran’ny Tompo
Ka samy manana talenta
Dia izany no ampiasao,
F’aza alevina, tandremo!
Fa rah’i Madagasikara
No irintsika hofenoina
Amin’ny tena fahalalana
Sy finoana an’i JESOA
Dia tsy misy tsy ilaina
Isika rehetrarehetra izao,
Ka andao re hifameno:
VONTOSY FILAZANTSARA
NY NOSY MADAGASIKARA !
IRAKO AMMI