Alahadin’ny KPMS 2020
FANDAHARANA IOMBONANA
- FIARAHABANA APOSTOLIKA :APOK 1: 4
- FISAORANA SY FIDERANA:
- Ataon’ny Mpitarika: SALAMO 42: 1-2a
- Iombonana: SALAMO 145: 13-17
- Hira 6: Avia miondreha
- Vavaka fiderana sy fisaorana.
- FANAMBARANA NY SITRAPON’ANDRIAMANITRA:
- Fitarihan-teny: OHABOLANA 20: 22
- JAKOBA 3: 17-18
- Hira 163: 2 Andrandranao ka andraso
- Vavaka Fifonana
- Hira FF 39: 2Ray ô mba faniriako
- FAMELANKELOKA:
- Fitarihan-teny: ASAN’NY APOSTOLY 4: 12
- JAKOBA 1: 17-18+ ROMANA 8: 1
- Hira 487: 1 Fanavaozan’izay mahagaga tokoa
- Fanekempinoana laharana fahaefatra.
- ASAN’NY FIANGONANA:
- Filazandraharaha sy fanentanana samihafa.
- Famakiana ny hafatra avy amin’ny KPMS.
- Rakitra: Hira SAMPANA
- Fanolorana ny rakitra: Hira 434: 4
- FANKALAZANA NY TENIN’ANDRIAMANITRA:
- Fotoana ho an’ny ankizy sy tanora.
- Hira FF 10: 1Mivavaka aho satria
- Vakiteny :II TANT 14: 10-14, MAR 7: 24-30, FIL 3: 17-21
- Hira 427: 2Ho vavolombelonao
- Toriteny
- VAVAKA FANGATAHANA farananana amin’ny
“Rainay Izay any an-danitra………………….”
- ASA VAVOLOMBELONA
- FAMARANANA: Hira FF 53: 1Tsy ho toa izao Jesoa
- Hafatra: Isaia 40: 31
- Tsodrano: ROMANA 16: 20
- TRINITE
TORITENY
“MIANDRANDRA FAMONJENA AVY ANY AMBONY AVY AMIN’I JESOA NY MINO”
FILIPIANA 3: 17-21
Manomboka amin’ny fitaomana sy fampirisihana am-pitiavana ity Tenin’Andriamanitra ity mba ho fianarana amin’ny toetra tsara izay mitarika sy mampianatra.
Hita misongadina eto àry fa ny MPINO MIANDRANDRA FAMONJENA AVY AMIN’I JESOA dia:
- MIFANOME OHATRA TSARA:
and 17: “Ry rahalahy, aoka samy hanahaka ahy ianareo, ka diniho izay mandeha tahaka ny anananareo anay ho marika.” Eto I Paoly Apostoly dia mijoro ho vavolombelona, izy no manatanteraka voalohany ny asa hitaomany ny hafa, manaiky atao marika izy izany hoe tsy mpibaiko fotsiny fa modely. Izany anefa tsy avy amin’izay fiheverany ny tenany sy izay fahaizany fa miainga avy amin’ny fanahafany an’I Kristy araka ny teniny ao amin’ny I Kor 11: 1 rahateo hoe: “Aoka hanahaka ahy ianareo, dia tahaka ny anahafako an’i Kristy.” Ny hoe manahaka an’I Kristy dia mitady izay hahasoa ny maro mba hamonjena azy (I Kor 10: 33) izany hoe I Jesoa no Modely ambony indrindra ka izay mitaona ny hafa dia maka Modely an’I Jesoa, mianatra ao amin’I Kristy, manahaka an’Andriamanitra amin’ny maha endrik’Andriamanitra antsika.
Io endrik’Andriamanitra io moa dia very tao Edena fa naverin’I Jesoa Kristy, Ilay endrik’Andriamanitra (Kol 1 : 15), teo amin’ny Hazofijaliana.
- Efes 5: 1: “Koa amin’izany dia aoka hanahaka an’Andriamanitra ianareo tahaka ny zanaka malala”
- Heb 6: 12: “Hanahaka ireo mandova araka ny teny fikasana amin’ny finoana sy ny faharetana.”
Tena baiko nataon’i Jesoa hoe isika maneho ny maha endrik’Andriamanitra : Mar 12: 17. Aloavy ho an’i Kaisara izay an’i Kaisara, ary ho an’Andriamanitra izay an’Andriamanitra.
Zava -dehibe sy takiana ary mahasoa eo amin’ny fiainan’ny Fiangonana sy ny asam-piangonana ny fitondrantenan’ny mpitarika sy ny mpampianatra. Ambaran’ny Tenin’Andriamanitra eto izany fa izy ireo no ohatra velona eo amin’ny fotompinoana sy ny fiainam-baovao izay toriany sy ampianariny mba ho fianarana ho an’ireo tarihiny sy ampianariny. (I Tim 4 : 12, ; 2 : 7 ; I Pet 5 : 3) mba hahatonga ny Mpino tsy anaraka an-jambany fa hanaja ny mpanompon’Andriamanitra izay mitondra fahazavana, fahendrena, fahamasinam-piainana vokatry ny asan’ny Fanahy Masina miasa ao amin’izy ireo.
2–MANOHITRA IREO FAHAVALON’NY HAZO FIJALIAN’I KRISTY (and 18-19)
and 18: “Fa maro no mandeha, izay efa nolazaiko taminareo matetika, sady mbola lazaiko aminareo amin’ny fiomanana koa ankehitriny, fa fahavalon’ny hazofijalian’i Kristy ireny”
Maro ireo fahavalon’ny hazofijalian’I Kristy ary tena nampitomany an’I Paoly Apostoly mihitsy.Ny mahazatra antsika amin’ny Epistilin’ny Filipiana dia hoe Epistilin’ny fifaliana. Tsy tongatonga foana anefa izany fa nisy zavatra maro sy mafy niaretana, nisy ady natrehina ka raha tsy nandresy teo ambany herin’Andriamanitra tsy afaka mifaly. Maro ny ady atrehin’ny Fiangonana ary maro ihany koa ireo sakana ataon’ilay ratsy amin’ny alalan’ireo tsy mpino sy ny fampianarandiso. Tamin’ny andron’ny Apostoly dia ny Jiosy no tena nankahala ireo mpitory sy nanenjika azy ireo tahaka izay nahazo an’I Jesoa ihany nefa niaretany ireny mba hahatanteraka ny famonjena amin’ny fampielezana ny Filazantsara. Nandà ny maha Mesia an’ I Jesoa manko izy ireo izany hoe nandà ny maha Andriamanitra Azy. II Tim 3: 5 .
Raha hijery ny ady amin’ny VIH/ SIDA manokana isika, maro no mirotsaka amin’izany ady izany kanefa amin’ny fomban’izao tontolo izao izay manohitra sy tsy araka ny Tenin’Andriamanitra
Raha ny fahadiovam-pitondrantena no tokony hovohizina dia ny mifanohitra amin’izany fa vao maika ampirisihana sy omena vahana eo amin’izao tontolo izao ny fomba ratsy manafaingana sy mampiely ny VIH/ SIDA, anisan’izany ny fiarahan’ny olona mitovy taova fananahana, ny mamela malalaka ny fijangajangana. Misy tena asan’ny devoly mivantana mihitsy ny faharatsiam-pitondrantena ka vao maika izany manamafy ny fampiasana ny fahefan’i Kristy amin’ny famongorana ireny hatramin’ny fakany. (Mar 7 : 24-30). Aoka hazava fa eo amin’ny ady rehetra atao, raha vao tsy mifanaraka amin’ny Sitrapon’Andriamanitra ny paikady dia efa fahavalon’ny Filazantsara satria manimba ny fiainana mahaolombelona. Ny fahavalon’ny Filazantsara ihany koa dia ireo miseho manampy nefa mitondra ho any amin’ny lalan-diso miafara any amin’ny fahaverezana. (and 19): fahaverezana no hiafarany, ka ny kibony no andriamaniny, ny fahamenarany no voninahiny, fa misaina ny an’ny tany izy. Misy ireo mifarombaka manao tetikasa nefa fitadiavana tombontsoa no tena betsaka fa tsy ny fanajana ny fahamendrehan’ny mahaolombelona. Ny fahavalon’ny hazofijaliana dia ireo mitondra fampianarandiso (and 2). Mitory ny Filazantsara nefa mampiditra ny fomba ratsin’izao tontolo izao eo amin’ny fiainan’ny Fiangonana sy ny asan’ny Fiangonana. Ireny fomba manimba ireny anefa dia efa nohombohan’I Kristy teo amin’ny Hazofijaliana mba tsy hanankery amintsika intsony. ( I Kor 1: 17-18; Gal 2: 20; 5: 11-24; 6: 12-14).
Teo amin’ny Hazofijaliana no nanafoanan’I Kristy ny herin’ilay ratsy izay mitondra filan-dratsy sy faharatsiam-pitondrantena ka tsy avela hiverina indray eo amin’ny fiainan’ny olona izay efa novidian’I Kristy lafo tamin’ny Rany. Loza mamely ny firenentsika ny faharatsiam-pitondrantena (Est 8: 6) ka mila ny herin’Andriamanitra ao amin’I Kristy isika hoentina mandresy izany tahaka izay niadian’I Asa tamin’ny fahavalon’ny fireneny ka nitalahoany tamin’Andriamanitra (II Tant 14: 10).
3-MANAIKY HIASAN’NY HERIN’I KRISTY. (and 20-21)
Tsy milaza ny tsy mety fotsiny isika fa mitondra izay tokony ho atao: and 20.Fa ny fanjakantsika dia any an-danitra, ary avy any koa no iandrasantsika Mpamonjy, dia I Jesoa Kristy Tompo. Amin’izay zavatra rehetra atao dia atao ho fikatsahana ny fanjakan’Andriamanitra, fanehoana ny maha zanaky ny fanjakan’Andriamanitra (citoyens) ary miaina araka ny maha zanak’Andriamanitra. (Mat 6: 33).
Manaiky hiasan’ny herin’I Jesoa. Ny tanjona amin’ny asa izay atao, izay rehetra miandrandra famonjena dia manaiky averina amin’ilay mahaendrik’Andriamanitra (Gen 1: 26), asan’I Kristy izay manova ho olom-baovao izany. (I Kor 5: 17.)Ny fiandrasana ny Mpamonjy dia manaiky hovainy mba tena ho mendrika tsara rehefa tonga Izy. (Heb 6:12). Ilay fiovana dia raisina amin’ny fanentrentena, ao amin’ilay tenan’ny fietrena, rehefa manaiky havaozin’I Kristy, dia omeny ny tenan’ny voninahitra, lasa tempolin’Andriamanitra, manana ny fiainan’I Kristy Ilay nitsangana tamin’ny maty, ny olona hiasan’ny herin’ny hazofijaliana. Amin’izay asan’Andriamanitra atao dia tsy tokony hahamenatra mihitsy ny hampiatra ny Filazantsara
(Rom 1: 16)I Jesoa Kristy irery ihany Izay miasa ao anatin’ny Filazantsara no afa mitondra fiovam-pitondrantena feno (Communication pour le Changement Complet de Comportement), izany hoe fiovampo, fihavaozan’ny saina amam-panahy ho amin’ny fiainam-pahamasinana tanteraka. Ny akon’izany eo amin’ny manodidina dia ny maha Fanasina sy fahazavana sy mpanompo mahatoky ary vavolombelon’i Kristy Ilay maty sy nitsangana tamin’ny maty ka mahatonga ny Kristiana ho filazantsara mivelatra eo anivon’ny fiarahamonina tahafina amin’ny teny sy toetra ary asa tsara rehetra. Ho an’Andriamanitra irery ny Voninahitra . Amen
………………………………………………………………………………………………
TARATASY PASTORALY.
“Hampitomboina ho anareo anie ny famindrampo sy ny fiadanana ary ny fitiavana.” Amen JODA 2
Misaotra an’Andriamanitra tamin’ny fombany antsika.
Ho fanatanterahana ny Tenin’Andriamanitra hoe “Fa ataoko ahoana no fijery ny loza hanjo ny fireneko?” (Est 8: 6a) dia vita ny fanavaozana ny Birao ny Komity Foiben’ny KPMS izay notanterahina tany Moramanga tamin’ny 04 sy 05 Desambra 2019.
Ireto avy no voafidy tamin’izany hanatanteraka ny asa mandritra ny efa-taona indray:
- Ny Filoha: Atoa RAZAFIMAHATRATRA Jean William,,Mpitandrina.
– Filoha Mpanampy Mpitandrina : Atoa RANDRIAMISAINA Landison Triomphe., Mpitandrina
– Filoha Mpanampy Laika : Atoa ANDRIANALITSIMBA Solofo E. Justin.
- Mpitantsoratra (Fivoriana) : Atoa RAKOTOMANANA Tahiry, Mpitandrina
- Mpitantsoratra (Vola) : Atoa RANDRIAMANANTENA SOLO Jean Jacques Séraphin, Mpitandrina.
- Mpanolotsaina Mpitandrina : Atoa MARINASY Mpitandrina
- Mpanolo-tsaina Laika : Rtoa RAJAONAH Dina.
Ireo no Komity Foibe mpanapakevitra ary ireto kosa ireo Ekipa teknika tomponandraikitra amin’ny fanatanterahana:
- Mpandrindra Nasionaly:Atoa RAVOAVISON René
- Mpandrindra Mpanampy: Atoa ANDRIAMANALINA Hery Zo
- Mpitantana:Atoa RANDRIAMBOLAJAONA Hajarisoa Niaina
- Mpandraharaha:Atoa RATOLOJANAHARY Andrisoa Malala
- Solotenan’ny Mpamatsy vola sy mpiaramiombon’antoka: Rtoa Elisabeth TURK.
Na dia teo aza ny valanaretina Coronavirus na ny COVID 19 sy ny fihibohana naterak’izany dia tanteraka avokoa ny asa fanofanana tamin’ireo Toeram-Panomanana ary ambonin’izany dia niezaka nizara fanampiana ho azy ireo ny KPMS.
Manarak’izany dia mitohy hatrany ny fiofanana atao amin’ireo Mpianatra ho Mpitandrina amin’ny Toeram-Panomanana Mpitandrina izay nifarimbonan’ny Komitim-pirenena KPMS sy ireo Ekipa teknika.
Ireto avy ireo toerana sy ny daty nanatanterahana izany :Vita soamantsara ny fanofanana )-Ivato (16-17-18 Jona 2020); tany Fianarantsoa (8-9 Oktobra 2020); Ambatondrazaka (28-29 Oktobra 2020); Mandritsara (03-04 Novambra 2020). Miaramiasa akaiky amin’ireo fikambanana samihafa sy ny fanjakana ny KPMS ary manohy hatrany ny asa toy ny fitiliana, fandraisana an-tànana ireo marary sy ny fianakaviany miaramiasa amin’ireo médecins référents (Dokoteram-panjakana miandraikitra manokana ireo PVVIH). Ary efa miomana ihany koa ny amin’ny ao Ambatonakanga sy ny IFRP izay voatery nahemotra noho ny fihibohana (confinement total). Noho ny toejavatra sarotra nolalovana ihany koa dia nisy ny fihenan’ny ora fiasana sy ny karama niombonana tamin’ny mpiasa raikitra rehetra tao amin’ny Foibe FJKM izany. Araka ny teny fanevan’ny KPMS manao hoe :« Ataoko ahoana no fijery ny loza hanjo ny fireneko ? » dia tsaroana fa tsy amin’ny ady amin’ny VIH SIDA ihany izany fa eo koa ny valanaretina vaovao izay mahazo izao tontolo izao ary tonga eto Madagasikara dia afaka namokatra masque (sarovava orona) ary afaka nanome izany ho an’ireo raiamandreny Mpiandraikitra Foibe izay nivory ny volana Novambra, nisy ihany koa ireo hafa izay nomena nandritra ny fanofanana
Isaorana manokana Ramatoa Elisabeth TURK fa na dia voatery nody any Amerika aza izy, ny fony sy ny sainy manaraka akaiky ny KPMS sy ny asa napetraky ny Fiangonana aminy ary mikaroka ny hevitra samihafa mba hahafahana manohy ny asa hatrany.
Manantitra hatrany ny fisaorana antsika mpiaramiombon’antoka, mpiantsehatra, mpiaramanompo, mpanohana ara-bola. Misaotra manokana ihany koa ny ambaratonga mpiahy dia ny Foibe FJKM na ny Mpanapakevitra izany na ny Mpanatanteraka. Ankasitrahana manokana ihany koa ireo nanohana tamin’ny fomba samihafa : vavaka, asa, fanohanana ara-bola.
Atolotray eo amin’ny takila manaraka ireo Fiangonana sy Fikambanana izay nanao izany. Raisina am-pitiavana hatrany izay mety ho fanohanana ataontsika. Ny fanohanana ara-bola dia afaka atolotra mivantana ao amin’ny rihana fahaefatra Foibe FJKM, ao amin’ny Biraon’ny KPMS na arotsaka amin’ny Kaonty BOA : 05020 1 602281 000 9 42 KPMS/ FJKM. Manaitra antsika fa takonan’ity valanaretina vaovao Corona Virus ity ireo aretina samihafa anisan’izany ny tazomoka, raboka na tuberculose, peste, sns anisan’izany ny VIH SIDA izay samy mbola misy ary misy tena mahazo vahana aza satria hadino ny fiatrehana azy koa dia samia mailo isika.
Maniry antsika rehetra mba samy hanangana ny Komity any amin’ny ambaratonga misy antsika tsirairay avy: Komitin’ny Synodamparitany miady amin’ny VIH SIDA, Komitin’ny Fitandremana miady amin’ny VIH SIDA. Ny Mpitandrina rehetra moa dia efa nahazo fiofanana momba ny VIH SIDA avokoa koa raha misy fiarahamiasa ilaintsika dia afaka manatanteraka izany ny KPMS na fampianarana izany na fanofanana na fananganana ilay Komity. Afaka mifandray amin’ny Mailaka ihany koa sy amin’ireto finday ireto: kpms.fjkm@gmail.com: Pasteur William: 033 14 477 16, 032 07 536 86.
Miara-miandrandra famonjena amin’I Jesoa Kristy isika ary mangataka Aminy handavorary ny zara-fanompoantsika amin’ny alalan’ny fanompoampivavahana isam-pitandremana amin’ny Litorjia iombonana avoakan’ny Komity Foibe KPMS izay hatao ny Alahady 22 Novambra 2020.
Raha sendra misy ny fotoana mifanindry dia afaka manendry fotoana hafa.
Hanasana antsika ny fanarahana ny fandaharana asa vavolombelona ao amin’ny Radio Fahazavana (88. 6) isaky ny Alatsinainy fahatelo amin’ny Volana amin’ny 07 ora sy 35 minitra hariva.
Dia manetana antsika rehetra mba handray anjara mavitrika amin’ny hetsika ady amin’ny VIH SIDA izay fanao isan-taona manerana izao tontolo izao mandritra ny andro iraisampirenena hiadiana amin’ny VIH SIDA isaky ny voalohan’ny volana Desambra. Dia samy mitrotro amim-bavaka isika ny Komity Foibe KPMS FJKM izay hatao any Morondava ny 08 Desambra hatramin’ny 10 Desambra 2020, raha sitrapon’Andriamanitra.
Andriamanitra Raintsika anie hitahy antsika sy hiaro antsika, hampamirapiratra ny tavany amintsika ka hamindra fo amintsika, hanandratra ny tavany amintsika ka hanome antsika ny fiadanana ao amin’I Jesoa.
Ny KPMS FJKM dia mirary Krismasy Sambatra 2020 sy Taombaovao 2021 homban’ny fahamasinan’ny Tompo ho antsika rehetra.
Amin’ny anaran’ny Komitim-Pirenena miady amin’ny VIH SIDA KPMS FJKM
Ny Filoha:
Atoa RAZAFIMAHATRATRA Jean William, Mpitandrina.
…………………………………………………………………………………………………………………….
IREO FIANGONANA NANAO RAKITRA HO AN’NY
ALAHADIN’NY KPMS NY 24 NOVAMBRA 2019
Lah | DATY | SP | FITANDREMANA | VOLA VOARAY (Ar) |
1 | 25/11/2019 | SPAA10 | FJKM Anosizato Hebrona | 247200 |
2 | 25/11/2019 | SPAA10 | FJKM Ambalavao Isotry | 44500 |
3 | 25/11/2019 | SPAA10 | FJKM Ambohijatovo Fitiavana | 50000 |
4 | 25/11/2019 | SPAA10 | FJKM Andohatapenaka Fifankatiavana | 27800 |
5 | 25/11/2019 | SP39 | FJKM Manjakatompo | 11700 |
6 | 26/11/2019 | SP38 | FJKM Ziona Fahazavàna Sailaza | 16000 |
7 | 26/11/2019 | SP12 | FJKM Manohisoa Fitiavana | 10000 |
8 | 26/11/2019 | SP15 | FJKM Ampangabe Famonjena | 33500 |
9 | 28/11/2019 | SP11 | FJKM Ambohitsimihozo | 5500 |
10 | 28/11/2019 | SP15 | FJKM Amboanjobe Famonjena | 19000 |
11 | 28/11/2019 | SP15 | FJKM Amparihilandy Betela | 8100 |
12 | 28/11/2019 | SPAA10 | FJKM Ambohimena Fahasoavana | 38000 |
13 | 28/11/2019 | SPAA10 | FJKM Ambodihady Vaovao | 30000 |
14 | 28/11/2019 | SPAA12 | FJKM Ambohimiandra | 142300 |
15 | 29/11/2019 | SPAA10 | FJKM Betela Marobiby | 64200 |
16 | 29/11/2019 | SPAA12 | FJKM Imerinkasinina Fanasina | 55000 |
17 | 29/11/2019 | SP15 | FJKM Antanetibe Maromby | 2800 |
18 | 29/11/2019 | SPAA10 | FJKM Ambodimita Betela Firaisana | 73800 |
19 | 03/12/2019 | SP15 | FJKM Ankerana Filadelfia | 5300 |
20 | 03/12/2019 | SP22 | FJKM Manampisoa Fideràna | 17350 |
21 | 03/12/2019 | SPAA12 | FJKM Ambatomena | 175300 |
22 | 04/12/2019 | SPAA12 | FJKM Anonimasina Ziona | 71600 |
23 | 04/12/2019 | SP36 | FJKM Analaiva Faharetana | 6200 |
24 | 04/12/2019 | SP36 | FJKM Croisement Betoho | 9000 |
25 | 04/12/2019 | SP36 | FJKM Antsaribao | 9000 |
26 | 09/12/2019 | SP27 | FJKM Sanganoro Fahazavàna | 18500 |
27 | 09/12/2019 | SP06 | FJKM Ambovombe Anivo | 4000 |
28 | 09/12/2019 | SP06 | FJKM Ambohipierenana Ambalamanakana | 1500 |
29 | 09/12/2019 | SP06 | FJKM Longoasy | 9400 |
30 | 09/12/2019 | SP06 | FJKM Tsararivotra | 9300 |
31 | 10/12/2019 | SP38 | FJKM Tranovato Ambohitsambaina A & O | 10400 |
32 | 10/12/2019 | SP33 | FJKM Ivohibe | 18900 |
33 | 10/12/2019 | SPAIM15 | FJKM Ambohidavenona Lovasoa | 7400 |
34 | 11/12/2019 | SPIA19 | FJKM Ambohibao Avaratra | 10200 |
35 | 11/12/2019 | SPAA11 | FJKM Ifarihy Famonjena | 20000 |
36 | 12/12/2019 | SPAA10 | FJKM Salema Vaovao | 30000 |
37 | 12/12/2019 | SP31 | FJKM Zoara Famonjena | 50000 |
38 | 16/12/2019 | SPAA13 | FJKM Ziona Famonjena Imerintsiatosika | 161300 |
39 | 18/12/2019 | SP03 | FJKM Ambohitrarivo | 20600 |
40 | 18/12/2019 | SP36 | FJKM Bemanonga Fitiavana | 4800 |
41 | 09/01/2020 | SP15 | FJKM Ankavodiana | 21 300 |
42 | 09/01/2020 | SPIA19 | FJKM Tranovato Ambatonakanga | 100 000 |
43 | 10/01/2020 | SP01 | FJKM Antanandrano | 33 700 |
44 | 10/01/2020 | SP27 | FJKM Ambohimirary | 6 000 |
45 | 10/01/2020 | SP27 | FJKM Ankotrabe | 4 200 |
46 | 15/01/2020 | SP05 | FJKM Vohidiala | 10 000 |
47 | 17/01/2020 | SPAA10 | FJKM Ziona Fahazavàna Anosibe | 100 000 |
48 | 23/01/2020 | SP36 | FJKM Analamitsivalana | 3500 |
49 | 24/01/2020 | SP27 | FJKM Amparaky Fitiavana | 3200 |
50 | 24/01/2020 | SP27 | FJKM Ambatolampy Faharetana | 7500 |
51 | 29/01/2020 | SPIA19 | FJKM Faravohitra | 955100 |
52 | 29/01/2020 | SP29 | FJKM Mahavelona Finoana | 17700 |
53 | 10/02/2020 | SP25 | FJKM Mahasoabe | 14000 |
54 | 11/02/2020 | SPAA11 | FJKM Vontovorona | 82200 |
55 | 12/02/2020 | SPAA12 | FJKM Andrainarivo | 150000 |
56 | 12/03/2020 | SPIA19 | FJKM Antanimena Andrefana | 100000 |
57 | 13/03/2020 | SP06 | FJKM Nanandrano | 3400 |
58 | 13/03/2020 | SP06 | FJKM Iakarina | 1500 |
59 | 13/03/2020 | SP06 | FJKM Vohimarina | 1500 |
60 | 13/03/2020 | SP06 | FJKM Ambondrona | 1500 |
……………………………………………………………………………………………………………….