Alakamisy 10 Septambra 20.

MARKA 6.45-52

1-Izay tian’i Jesoa ho hitan’ny olona Aminy

Voalaza eo amin’ny and 48 hoe : « nitsangatsangana tambonin’ny ranomasina i Jesoa ka nikasa handalo azy » . Efa nanao famantarana maro sy zava-mahagaga tamin’ny mpianany sy ny olona maro ihany i Jesoa talohan’izao kanefa dia mbola zava-mahavariana hafa ihany koa ity voalaza eto ity : nitsangatsangana tambonin’ny ranomasina , izany hoe : nandehandeha tambonin’ny rano Izy . Fantantsika tsara fa tsy mety ho marina izany eo amin’ny lalàn’ny natiora satria tsy maintsy milentika ny vainga rehetra rehefa atao ambony rano . Raha nandrasana hilentika araka izany i Jesoa rehefa nandehandeha tambonin’ny rano dia tsy nitranga izany fa indro Izy nandehandeha teo ambony rano. Ny maso tian’iJesoa hijeren’ny olona Azy izany dia Ilay manohitra ny lalàn’ny natiora , ambony sy mahery indrindra manoloana ny zavatra rehetra koa. Izany no tiana hampitain’i Jesoa tamin’ny mpianany raha nanao izao fihetsika izao teo anatreany Izy . Amin’ny teny hafa dia manana fahefana hanala ny tahotra mampahory ny olona Izy ary andrasana hanaiky izany ny mpianany .

2-Izay hitan’ny olona taminy

Rehefa hitan’izy rehetra anefa fa indro nisy olona nandehandeha tambonin’ny rano  dia niara-nihevitra izy ireo  hoe : matoatoa io , ka vao mainka feno  tahotra izy (ampitahao  Lio 24.37) . Tsy tafita tamin’ireto  mpianatra izay tian’iJesoa ho hita sy ho fantatr’ireo  . Tsy mahagaga ma izany satria tsy takatry ny sain’olona izany maha-Andriamanitra Azy izany . Izany  no maha- zava-dehibe ny tsy niarahantsika niaina taminy  fa ilàna FINOANA. Azy.

Fanontaniana :

Vonona ve ianao hiatrika ny Tompo rehefa tonga indray Izy araka ny teniny ?

Sampana Sekoly Alahady FOIBE FJKM

Perikopa 2020

Septambra: Miasà amin'ny fatahorana an'Andriamanitra

| | 27. Ala. XVI man.Trinite- Sampanasa FFP
Mpito 8.9-13 / Mar 12.1-12 / 1 Tim 1.5-11

Oktobra: Mirosoa amin'ny finoana masina

| | 04. Ala.XVII man.Trinite
Eks 14.15-22/Jao 9.35-41/Joda 17-23

| | 11. Ala.XVIII man.Trinite-Radio Protestanta FFPM
1Sam 17.42-51/Lio 17.1-6/1 Kor 16.13-18

FJKM Fahazavana

FJKM ISOTRY FITIAVANA