Oniversity FJKM/Fitokanana

Oniversity Ravelojaona Ampandrana

Miroso amin’ny fananganana trano lehibe fahatelo.

Notanterahina ny marainan’ny sabotsy 13 Jona 2020 ny fanompoam-pivavahana sy fametrahana ny vatofehizoron’ny trano vaovao fahatelo eo an’ivon’ny onivesity Ravelojaona Ampandrana. Ny filohan’ny FJKM, Dr IRAKO ANDRIAMAHAZOSOA Ammi Mpitandrina no nitarika izany asa vavolombelona izany. Ny Romana 13.8-10 no nitondrany hafatra roa mazava manodidina ny hoe: Aza avela hisy tsy voaloa ankoatry ny fifankatiavana ary aza reraka mifankatia. Mba ho asa vita ao anaty fifankatiavana izao asa izao hoy ihany izy teny am-pitsofan-drano ny asa nialoha ny fametrahana ny vatofehizoro.

Ny Tonian’ny Departemantan’ny Fiangonana RAKOTONDRAINY Jaona, Mpitandrina no nitondra amim-bavaka ny asa, ary ny Doyen eny amin’ny Faculté de Théologie Ambatonakanga kosa ny Dr. RAMAMBASON Laurent Mpitandrina no nanao ny vavaka teo am-pametrahana ny vatofehizoro .


Saika hanorenana kianja  » complexe sportif » ity toerana ity saingy noho ny hamaroan’ ny mpianatra dia trano afahana manitatra efitrano hinarana ary efitrano lehibe hivavahana « Chapelle » no haorina hoy ny rektora Dr Ratsimandisa Zo, Mpitandrina. Ny 13 Mey 2020 teo no nitokanana ilay trano faharoa misy efitra 13. Anisan’ny niatrika ity fotoana ity: ireo filankevi-pitantanana eo anivon’ny oniversity Ravelojaona sy ireo mpampianatra isan-tokony.

FJKM website team

Perikopa 2020

Septambra: Miasà amin'ny fatahorana an'Andriamanitra

| | 20. Ala.XV man .Trinite
Eks 18.17-23 / Mat 18.21-35 / Tit 1.5-9

| | 27. Ala. XVI man.Trinite- Sampanasa FFP
Mpito 8.9-13 / Mar 12.1-12 / 1 Tim 1.5-11

Oktobra: Mirosoa amin'ny finoana masina

| | 04. Ala.XVII man.Trinite
Eks 14.15-22/Jao 9.35-41/Joda 17-23

| | 11. Ala.XVIII man.Trinite-Radio Protestanta FFPM
1Sam 17.42-51/Lio 17.1-6/1 Kor 16.13-18

FJKM Fahazavana

FJKM ANKADIKELY