Sabotsy 16 Mey 2020.

1 SAMOELA 10.1-8

Ny asan’ny Fanahy Masina eo amin’ny olom-boafidy

Ny nanosoran’i Samoela an’i Saoly ho mpanjakan’Israely no Soratra masina voalahatra ho antsika.Nambaran’i Samoela fa mifamatotra amin’izao fanosorana tamin’ny alalan’ny menaka izao no handraisan’i Saoly ny Fanahin’Andriamanitra izay hisy akony lehibe eo amin’ny fiainany .

2-Manavao

Mazava tsara ny teny  » ho voaova ho olom-baovao« .Manavao tanteraka ny olona ny Fanahin’Andriamanitra tonga eo amin’ny fiainany .Manana fiainam-baovao sy mitafy toetra vaovao izay nomen’Andriamanitra ny Fanahiny. Isika rehetra ihany koa, izay efa nandray an’i Jesoa Kristy ho Tompontsika ka nandray ny Fanahy Masina , dia tsarovy izao : raha ekentsika ho mpitarika antsika ny Fanahy Masina dia tonga olom-baovao, miaina amin’ny fiainana vaovao isika .

2-Mankato ny sitrapon’ Andriamanitra

Tsy hoe : lasa olom-baovao fotsiny ihany i Saoly fa « hiara-maminany »amin’ireo mpaminany mifanena aminy eny an-dàlana . Tonga mpaminany izay milaza sy manambara ny hafatr’Andriamanitra .Midika izany fa nohon’ny asan’ny Fanahin’Andriamanitra dia tonga olona mandray, mankato ny sitrapon’Andriamanitra izy ary milaza sy manambara izany amin’ny hafa .Tsarovy fa raha manaiky hotarihan’ny Fanahy Masina isika dia mandray sy mankato ny Tenin’Andriamanitra ary mizara sy manambara izany amin’ny manodidina antsika .

Fanontaniana:

Inona no fanavaozana nentin’ny Fanahy Masina teo amin’ny fiainanao ? Hazavao .

Sampana Sekoly Alahady FOIBE FJKM

Toriteny

FFKM/Fanambarana
Video

Toriteny 29 Martsa 2020
Video

toriteny
Video

Fampianarana / Fitiavana
Video

Perikopa 2020

Mey: Ankatoavy ny fitarihan'ny Fanahy Masina

| | 31. PENTEKOSTA
Isa 44.1-5 /Jao 3.1-8/Asa 4.8-12

Jona: MIHAVANA AO AMIN'NY TOMPO

| | 07. Ala.Trinite
Sal133.1-3/ Jao 13.34-35/ Rom 13.8-10

| | 14. Ala.I man Trin-SEKOLY FJKM
Lev 19.16-18/ Mar 9.33-50/ Fil 2.1-4

FJKM Fahazavana

Zoma 29 Mey 2020

FJKM ANKADIKELY ILAFY