Alatsinainy 27 Janoary 2020.

LIOKA 19.45-48

Nandroaka ny mpivarotra tao an-tempoly i Jesoa eto amin’ity perikopantsika ity tamim-pahatezerana no nanaovany izany . Aseho amin’izany fa :

Halan’i Jesoa ny :

1- Ny halatra (and45)

Tamin’ny andron’i Jesoa dia nisy mpanakalo vola tokoa teo an-kianjan’ny tempoly , satria rehefa hanao fanatitra ny olona avy any amin’ny toerana na firenena samihafa dia tsy maintsy atakalo vola Jiosy fa izany ihany no azo ampiasaina ao aminn’y tempoly .Toy izany koa ny varotra ny voromailala na ondry efa ao , satria tsy nahavimbina ny avy lavitra. Ireo zava-misy reo anefa dia noararaotin’ny olona sasany nampakarana avo mihoatra noho izany tokony ho izy na ny fanakalozam-bola na ny vidin’ny biby fanao fanatitra. Koa izany halatra ao an-tranon’ Andriamanitra izany dia halan’i Jesoa , ka nandroahany ny mpivarotra teo .

2-Ny fanilikilihana (and45)

Ny kianjan’ny tempoly dia misy firafitra mazava ary efa misy toerana ho an’ny sokajin’olona samihafa. Misy ohatra ny atao hoe : kianjan’ny jentilisa , izany hoe: ny hafa firenena.Teo amin’ity kianjan’ny jentilisa ity no navadiky ny sasany ho toeram-pivarotana , hitadiavana tombotsoa sy hanararaotana ny hafa, fa indrindra indrindra natao teo an-kianjan’ny tempoly .Tsy ankasitrahan’i Jesoa ny endrika fanilikilihana na fanakanana ny olona tsy hanatona an’ Andriamanitra amin’ny endriny rehetra.

Fanontaniana:

Inona avy no endrika mety isehoan’ny halatra na fanilikilihana ao amin’ny fiangonana , ary inona no tokony hatao hanafoanana izany ?

Sampana Sekoly Alahady FOIBE FJKM