Alatsinainy 13 Janoary 2020.

LIOKA 13.10-13

Maneho ny tàna-maheriny ny Tompo

1-Amin’ny maha-tompon’ny sabata Azy

Ny fitandremana ny andro sabata , na ny aandro fitsaharana dia niteraka fifandirana matetika teo amin’ny Jiosy sy i Jesoa . Nahariharin’i Jesoa mazava tsara fa ny sabata dia tsy ho fitsaharana fotsiny ihany , fa ho androm-panafahana indrindra koa . Vehivavy iray izay nafatotr’i satana taminn’y aretina nandritra ny valo ambin’ny folo taona no maniloana an’i Jesoa .Raha ny lalàna no arahina dia tsy misy azo atao amin-dravehivavy satria sabata ny andro . Nahafantatra avy hatrany izay nanjo an-dravehivavy azy ka nahasitrana azy. Nanafitohina ny Jiosy izao fihetsika izao , kanefa kosa nampiseho fa i Jesoo no Tompon’ny sabata (Lio 6.5) .

2-Ho fankalazana an’ Andriamanitra

Matetika dia ny olona marary , na ny havany akaiky , na ny mpiara-monina no manatona Azy. Eto kosa dia i Jesoa mihitsy no manao dingana ho fanasitranana ilay marary . Niantso azy Izy , ka nilaza tamin-dravehivavy fa ho sitrana izy sady nametra-tànana taminy . Teo no eo dia sitrana ravehivavy ka nanome Voninahitra an’ Andiamanitra . Lasa tokoa ny fanahy maharofy , afaka niandrandra ny lanitra izao ilay tsy mba afa- nitraka fa niondrika tamin’ny tany nandritra ny valo ambin’ny folo taona .Fankalazana an’ Andriamanitra no zavatra nataony voalohany , fa izany no fomban’ny olona afaka. Sabata nanatrehany an’i Jesoa izao sabatan-dravehivavy izao. Aoka tsy ho ny lalàna no hamatotra tsy ahitana an’i Jesoa . Isaorana ny Tompo fa nanafaka izay rehetra afatotr’i satana amin’ny fombafomba sy lalàm-pivavahana .

Fanontaniana:

Tanisao ireo karazan-javatra mbola mamatotra ny olona ka tsy hahafahany manompo an’ Andriamanitra ?

Sampana Sekoly Alahady FOIBE FJKM

Perikopa 2020

Septambra: Miasà amin'ny fatahorana an'Andriamanitra

| | 27. Ala. XVI man.Trinite- Sampanasa FFP
Mpito 8.9-13 / Mar 12.1-12 / 1 Tim 1.5-11

Oktobra: Mirosoa amin'ny finoana masina

| | 04. Ala.XVII man.Trinite
Eks 14.15-22/Jao 9.35-41/Joda 17-23

| | 11. Ala.XVIII man.Trinite-Radio Protestanta FFPM
1Sam 17.42-51/Lio 17.1-6/1 Kor 16.13-18

| | 18. Ala XIX man. Trinite-MAMRE
2 Tant 20.20-23 / Mat 21.18-22 / 2 Tim 1.1-5

FJKM Fahazavana

FJKM ISOTRY FITIAVANA