Hafatra KRISMASY 2019

Fiarahabana sy firariantsoa

Ny Filohan’ny FJKM, Filoha am-perinasan’ny FFPM sady Filohan’ny FFKM amin’ity taona 2019 ity,  mamangy ny vahoaka Malagasy manontolo, ary ny vahoaka Kristianina manokana, amin’izao Krismasy 2019 izao, ary manolotra ny teny avy amin’ny Tompo JESOA ho antsika amin’ity Krismasy ity manao hoe : « Fiadanana ho ety ambonin’ny tany ho amin’ny olona ankasitrahany !  » (Lio.2.14).

Fotoanan’ny fanomezana ny Krismasy fa nanomezan’Andriamanitra ny Zanany Lahitokana, ka izany teny izany koa no fanomezana ho anao !

Enga anie ny Krismasinao tsy ho tahaka ny Krismasin’ny Mponin’i Betlehema, maizina am-pototry ny Mazava !

Enga anie ny Krismasinao tsy ho tahaka ny Krismasin’ny Mpandray vahiny tao Betlehema ka hametraka an’i JESOA any an-tranon’omby !

Enga anie ny Krismasinao tsy ho tahaka ny Krismasin’i Heroda Mpanjaka : Krismasy ao anaty fo maloto, romotra, te hamono an’i JESOA !

Fa :

Enga anie ny Krismasinao  ho tahaka ny Krismasin’ny anjely : nirahina hitory fiadanana dia faly nihira fiadanana hanakoako ho an’ny mila vonjy !

Enga anie ny Krismasinao  ho tahaka ny Krismasin’ny Mpiandry ondry fahizay izay novangian’ny Lanitra ka nandray tamim-pahatsorana ny Filazantsara notorina taminy ary tonga mpampiely an’izany !

Enga anie ny Krismasinao  ho tahaka ny Krismasin’ireo Magy : olona lalin-tsaina, fa nanaiky hotarihin’Andriamanitra ka nanaiky toy ny zaza ho tonga hatreo amin’i JESOA, izay nekeny ho Mpanjakany !

Enga anie ny Krismasinao  ho tahaka ny Krismasin’i Josefa sy i Maria : nino ny tenin’Andriamanirtra ka nahita ny fahagagam-pamonjena : i JESOA KRISTY eo anivon’ny tokantranony !

Fa ho anao koa , raha mety ianao, no itenenan’i JESOA hoe : « Fiadanana ho ety ambonin’ny tany ho amin’ny olona ankasitrahany !  » (Lio.2.14).

ARY VONINAHITRA ANY AMIN’NY AVO INDRINDRA HO AN’ANDRIAMANITRA ! Amen

IRAKO ANDRIAMAHAZOSOA Ammi, Mpitandrina

Filohan’ny FJKM

Perikopa 2021

Janoary: MANEHO NY MAHA -ANDRIAMANITRA AZY NY TOMPO

| | 24. Ala III man . Epifania-FFKM
Eks 33.12-23 / Mat 3.13-17 / Asa 17. 22-34

| | 31. Ala. IV man. Epifania- Marary hoditra
2 Mpanj 5.15-27 / Mar 1.40-45 / 2 Pet 1.1-11

Febroary: MAMPIORINA NY MINO NY TENIN'ANDRIAMANITRA

| | 07. Ala.V man Epifania
Gen 15.1-6/ Lio 5.1-11/ Rom 4.13-25

| | 14. Ala.VIman. Epifania -Alahadin'ny Baiboly
2 Tant 34.29-33/ Jao 6.60-71/ Heb6.13-20

FJKM Fahazavana

FJKM KATEDRALY ANALAKELY