Alakamisy 12 Desambra 2019.

Fandalinana ny Filazantsara araka an’i MATIO

Matio 2.7-23

1-Ny fikarohana nahafa-po (and7-12)

Hitan’ireo magy soamantsara i Jesoa ary ny fahitan’izy ireo Azy dia midika :a) fa tena mpanjaka mizaka ny fiandrianana hatreo am-pahaterahany Izy. b) ny fahazoan’ny hafa firenena hanana zo hisitraka ny famonjena entin’i Mesia ity. Izy ireo no niankohoka sy nivavaka voalohany taminy .

2-Ny fiarovana amin’ny endriny hafa:fandosirana tany Egypta (and13-15)

i Egypta dia toeram-piarovana sy famonjena ny mpanompon’ Andriamanitra hatramin’ny andron-dry i Abrahama sy i Jakoba. I Egypta dia mampahatsiaro koa ny fanandevozana ny Israelita.Ary toa an’i Mosesy fahiny , dia tonga i Jesoa hitarika « Eksodosy » vaovao, hamonjy ny olona ho afaka amin’ny fahotany ( 1/21).

3-Ny fandripahana ny zaza tsy manan-tsiny tao Betlehema (and16-18)

Ny fahoriana nitranga tao Betlehema dia fahatongavan’ny ratsy amin’ny faratampon’ny fahefany . Ny fanjakan’i Mesia kosa dia fiadanana sy rariny izay mifanohitra amin’izao fahalovana sy fanamparam-pahefana izao.

4-Ny fodiana any Nazareta (and 19-23)

Zava-dehibe roa no ambarany :a) i Nazareta dia mitovy amin’ny hoe: »tsimoka » (Isa 11.1/ Apo 22.16a) maha taranak’i Davida .b) ilazana ny fanekena fandaminana sy fiomanana amin’ny asa lehibe izao.

« Raiso ny Tenin’ Andriamanitra » Boky faha-6