Talata 03 Desambra 2019.
Fandalinana ny Boky JEREMIA
Jeremia 49.23-39
1-Tonga koa ny anjaran’i Damaskosy
Avy aiza no iavian’ny loza hamely an’i Damaskosy ? Avy amin’ny Tompo (and26). Tamin’ny alalan’ny mpanjakan’i Babylona no hanatanterahany izany . Mbola ny Tompo ihany koa no tondroin’i Isaia ka nampivarahontsana an’i Damaskosy, ilay tanàn-dehibe faran’izay tsara sy mahafinaritra any Syria (Isaia 17.1). Voatonona miaraka hatrany amin’i Hamata , tanàna fandefasana olona ho sesitany ny tanànan’i Arpada , samy any Syria.
2- Ny anjaran’i Kedara sy Hazora ary Elama
Zanaka lahin’i Ismaela ity voaresaka voalohany ity , fanjakana nanankarena tany avaratry ny tanin’Israely kosa i Hazora. Ary i Elama dia taranak’i Sema (Gen 10.22) . Mbola i Nebokadnezara ihany (and28) no nampiasain’ Andriamanitra hampitondra faisana azy . Manankarena izy ireo , miadana (and31), firenena tsy miankin-doha na amin’iza na amin’iza satria mahavita tena . Marina sy hendry anefa ny Tompo nampandringana azy ary tsy azo ivalozana ny fitsarany fa mandrakizay (and33).
Tsy marina ve ny ambaran’ny Tompo hoe: « Andriamanitra manohitra ny mpiavonavona ,fa manome fahasoavana ho an’ny manetry tena » (Jak 4.6).
« Raiso ny Tenin’ Andriamanitra » Boky faha-6