Alahady 10 Novambra 2019.

Fandalinana ny Boky JEREMIA

Jeremia 32.16-28/36-44

Ato amin’ny vavaka nataon’i Jeremia sy ny valiteny omen’i Jehovah no ahitana fa Andriamanitra miavaka izy:

1-Miavaka fa be famindrampo . Fohy dia fohy ny fotoana hanehoany fahatezerana fa zanaka sy ray fotsiny ,saingy taranaka arivo no hamindrany fo(and .18)

2.Miavaka fa lehibe amin’ny fisainana sy mahery amin’ny atao.Tena tsy misy fisainana mahaleo an’i Jehovah tokoa,ka Izy hatrany raisina ho mpanolo-tsaina.

3.Manara-maso ny fiainan-janak’olombelona,ka na avo fipetraka aza dia iva fijery.Mendrika ny hasoavina ve ianao?

4.Mahay fahagagana handresen-dahatra ny olony. Ary tsy mitsahatra izany, raha mbola tany koa ny tany.Matokia Azy.

5.Mandray ny olona ho Azy ka hokarakarainy. Ary ianao ve mandray Azy ho Andriamanitrao?

6.Manova ny olona ratsy ho tsara.

7.Mamboly fanekena mandrakizay amin’ny olona,ka manaiky ny hikarakara sy hanasoa azy ireo.

8.Mamerina ny Israely ho any amin’ny tany izay efa nianianany tamin’ny razany fa homeny azy,rehefa avy nanafay azy ireo,ka nitondra azy ho any am-pahababoana.Izany ka Andriamanitra !

« Raiso ny Tenin’ Andriamanitra » Boky faha-6