Sabotsy 09 Novambra 2019.

Fandalinana ny Boky JEREMIA

Jeremia 32.1-15

An’ Andriamanitra tokoa ny tantara sy ny fiainan’ny olona, ka Izy no mandahatra azy . Jereo fa:

1-Tsy maintsy tanteraka ny fandravana ny firenen’i Joda

Zava- niseho tamin’ny taona 587 talohan’ i Kristy io (and1). Babon’ny tafika Babyloniana i Jerosalema , ary ho lasa babo ny mpanjaka sy ny vahoaka . Voagadra noho izany faminaniana izany i Jeremia . Na inona na inona fanoherana ataon’ny olona dia tsy maintsy tanteraka ny Tenin’ Andriamanitra . Ny lanitra sy ny tany ho levona , fa ny Tenin’ Andriamanitra tsy ho levona.

2-Tsy maintsy hiverina amin’ny taniny ny Jiosy

Asaina mividy ny tanin’ny rahalahin-drainy i Jeremia. Tafiditra ao amin’ny fanaon’ Andriamanitra eo amin’ny faminaniana izao fampanaovana fihetsika an’i Jeremia izao . Na dia voafonja aza izy , ary mbola ho babo ny fireneny dia asehon’ Andriamanitra fa mbola hiverina eo amin’ny taniny izy ireo (and15). Moa tsy marina ho antsika ve ny teny hoe : « Fa raha mbola hisy koa ny farany , dia tsy ho foana ny fanantenanao » (Oha 23.18) ? Aza kivy na miatrika ady aza ianao , fa an’ ny Tompo hatrany ny teny farany .

 » Raiso ny Tenin’ Andriamanitra » Boky faha-6

Perikopa

Novambra: Ho avy amin'ny heriny ny Tompo

| | 24. Ala XXV man. Trinite KPMS
Mal 3.19-24/ Mat 16.24-28/ Apo 22.12-16

Desambra: Iaino ny fiadanan'ny Tompo

| | 01. Advento I
Isa. 57:15-21 / Lio. 19:37-44 / Jak. 2:14-20

| | 08. AdventoII S. Sekoly Alahady
Joba 36.5-15/ Lio 11.27-28/ 2Tes 3.6-16

| | 15. Advento III
2 Tant 14.1-6 / Lio 10.1-7 / Rom 14.19-23

FJKM Fahazavana

TORITENY : EKSODOSY 12.15-17