Alarobia 16 Oktobra 2019.

Fandalinana ny Boky JEREMIA

Jeremia 15.1-21

Indreto misy hafatra manokana ho antsika

1-Tandremo fa misy fetrany ny fandeferan’ny Tompo

Hoy Izy :” ianao efa nahafoy Ahy sady efa nihemotra , hoy i Jehovah ka dia hahinjitro koa ny tànako hamely anao , ka efa mandringana anao Aho , fa efa sasatra ny mandefitra “(and 6). Tena mandrakizay ny famindrampony” (Sal 136.1), saingy ny famaizana izay ambara eto koa dia anisan’ny famindrampony , ny fitiavany .

2-Mifikira amin’ny Tenin’ Andriamanitra

Hoy I Jeremia : “Hitako ny teninao ka nohaniko , ary  ny teninao  no fifaliako  sy firavoravoan’ny foko. Fa nantsoina tamin’ny anaranao aho, Jehovah Andriamanitr ny maro ô “(and16) ; Izany ihany no tokintsika kristiana . Izany no maha-sarobidy izao ezaka hamaky ny Baiboly manontolo ataontsika izao .

3-Mijoroa tsara ianao izay nantsoin’ny Tompo

Fieritreritra lalina izao teny izao .”Izao no lazian’I Jehovah : Raha hiverina ianao , dia horaisiko indray , ka dia hitsangana eo anatrehako ianao. Ary raha manavaka  ny zava-tsoa hiala aminn’y zava-poana ianao , dia  ho solom-bavako . Hanatona anao indray ireny , fa tsy ianao no hanatona azy . Ary hataoko manda varahina  mirona ho amin’ity firenena ity ianao. Hiady aminao izy , nefa tsy hahaleo anao , fa momba anao hamonjy sy hanafaka anao Aho , hoy I Jehovah” . Saino ny fanomezan-toky fonosin’izany sy ny fepetra handraisana azy kosa .

“Raiso ny Tenin’ Andriamanitra” boky faha-6

Perikopa 2021

Aogositra: MIORENA AMIN'NY ASA TSARA

| | 01. Ala. IX man. Trinite
Deo. 15. 7 - 11/ Mat. 6. 1- 4/ Efe. 2. 8 - 10

| | 08. Ala. X man. Trinite - KFTM(Maritiora)
Sal. 31. 1 - 8/ Mat. 21. 33- 46/ Asa. 7. 51 - 8.1

| | 15. Ala. XI man. Trinite - Aumônerie Nationale
Oha. 14. 22 - 27/ Lio. 18. 18- 30/ 2kor. 9. 6 - 15

| | 22. Ala. XII man. Trinite
Mik. 6. 6 - 8/ Mar. 12. 41- 44/ Fil. 1. 1 - 11

FJKM Fahazavana

FJKM ANKADIKELY ILAFY