Sabotsy 05 Oktobra 2019.

Fandalinana ny Boky JEREMIA

Jeremia 3.1-25/ 4.1-31

Andeha hibebaka ! sasao ny fonao ho afaka amin’ny ratsy , mba hovonjena ianao (4.14).

1-Fa vonona hamindra fo ange ny Tompo e!

Na dia nijangajanga nanompo sampy aza ny zanak’ Israely , ka nambara hoe: »adala ny oloko … Raha ny hanao ratsy dia hendry izy , fa ny hanao soa kosa tsy fantany (4.22) dia vonona ny Tompo hamela heloka . « Fa mamindra fo Aho , hoy i Jehovah , ka tsy hitahiry fahatezerana mandrakizay » (3.12) . Tena mamy izany ! Dia mbola hanamafy fo ihany ve isika?

2-Saingy , tsy maintsy miaiky heloka isika

Hoy ny Tompo : »kanefa kosa , ekeo ny helokao » (3.13). Eny, na manolotra famelankeloka aza ny Tompo , raha tsy vonona hanaiky ho diso sy hifona ka hanapan-kevitra hiala amin’ny ratsy isika , tsy hanana tànana handraisana izany famelan-keloka atolony izany akory isika . Miaiky isika vao mamela sy manadio Izy ( 1 Jao 1.9).

3-Dia hanomana ho avy tsara ho antsika Izy

Hanome mpitondra tsara Izy . Hoy Izy : « Dia omeko mpitondra araka ny sitrapoko ianareo amin’ny fahalalana sy ny fahendrena  » (and15). Mivavaha mba ho tanteraka amin’ny fiangonana sy ny firenentsika izany ; ary hanavao ny firaisam-pirenena izy : »Amin’ izany andro izany ny taranak’i Joda sy ny taranak’Israely dia hiara-mandeha (3.18). Firenena nivaky roa Israely, saingy hakambany indray .

« Raiso ny Tenin’ Andriamanitra » Boky faha-6

Perikopa

Oktobra: Maniria ny haminany

| | 27. Ala.XXI man Trinite SAFIF-Reformasiona
Amo 3.1-8/ Jao 2.18-22/ Asa 2.14-21

Novambra: Ho avy amin'ny heriny ny Tompo

| | 03. AlaXXII man.Trinite
Hab2.1-4/ Mar14.60-64/ Heb10.35-39

| | 10. Ala XIX man.Trinte FIFA
1 Sam 19.19-24/ Jao 11.47-53/ Apo 11.1-6

FJKM Fahazavana

TORITENY : EKSODOSY 12.15-17