Alarobia 11 Septambra 2019.

Fandalinana ny Boky 2 KORINTIANA

2 Korintiana 5.11-21

Ry mpino ô! manan-draharaha amin’ny fampihavanana ianao . Napetraky ny Tompo amintsika ny Teny fampihavanana (and19) .

1-Ny fitiavan’i Kristy no manery antsika

Tsy mora ny asa fampihavanana . Mety hahazo teny maharary sy fanevatevana , ataony hoe: very saina mihitsy aza… Teren’ny fitiavan’i Kristy isika (and14). Satria ny fitiavan’i Kristy dia ny nahafatesany teo amin’ny hazo fijaliana ka nandatsahany ny Ran’ny fampihavanana no velona ao anatin’ny mino ka HERY manainga sy manery azy . manana izany ve ianao? Mangataha amin’ny Tompo .

2-Olombaovao izay ao amin’i Kristy

Amin’ny asa soratr’i Paoly dia manan-danja ny filazany hoe : « Ao amin’i Kristy « , tontolo vaovao hahaterahan’ny olona tonga mino ny Zanak’ Andriamanitra izany. Tonga olombaovao izay tafiditra ao. »Koa raha misy olona ao amin’i Kristy dia olom-baovao izy » (5.17). Andraikitra napetraky ny Tompo amin’ny mino ny mitondra ny olona ho ao amin’i Kristy, mampihavana azy amin’i Kristy ary manova ny fiaraha-monina ho vaovao amin’ny alalan’ny fampihavanana noho i Kristy

3-Ambasadaoron’ny fampihavanana

Ny ambasadaoro dia iraka , mpisolo tena ny fireneny any an-tany hafa. Ny mino dia mpisolo-tenan’ny fiarahamonin’ny lanitra ety an-tany , manao ny fomba rehetra hahatanteraka ny fampihavanana ho amin’ny famonjena ao amin’i Kristy . Raiso ny andraikitrao! (Mat 28.19).

« Raiso ny Tenin’ Andriamanitra » Boky faha-8

Toriteny

Toriteny 29 Martsa 2020
Video

toriteny
Video

Toriteny/Filohan'ny FJKM
Video

26 janoary 2020 - FJKM Isotry Fitiavana
Video

Perikopa 2020

Aogositra: Mahatoky hatramin'ny fahafatesana ny mino

| | 09. Ala IX man Trinite-KFTM (Maritiora)
2 Tant 24.17-22 / Lio 11.47-51 / Heb 11.32-40

| | 16. Ala X man.Trinite-Aumônerie Nationale
Neh 3.33-38 / Jao 10.11-18 / Apo 6.9-11

| | 23. Ala XI man.Trinite
1 Mpanj 19.1-10 / Lio 9.18-22 / 2 Tim 4.9-18

FJKM Fahazavana

FJKM ISOTRY FITIAVANA