Alakamisy 15 Aogositra 2019.
Fandalinana ny Boky 1 KORINTIANA
1 Korintiana 5.1-13
Tandrovana tahaka ny anakandriamaso ny faharefon’ny Fiangonana mba tsy hanapaka ao aminy ny fiainam-pahotana.
Ilay masirasira ela
Na dia mbola misalotra ny natiora ota aza ny Fiangonana, mandra-piandry ny famotsorana azy amin’ny fisehoan’i Kristy indray amin’ny fiaviany faharoa, dia tsy tokony hohadinoina fa tsy azo ekena raha ny fiainam-pahotana no avela hanapaka eo anivony . Ny masirasira ela tokoa mantsy raha avela baranahany dia hahakasika ny singa maro. Izany no antony nahatonga an’i Paoly nitaona ny Fiangonana tao Korinto mba tsy hiharoharoany amin’ny ratsy (and9).
I Kristy no manamasina ny Fiangonana
Izay nanoloran’i Kristy ny tenany dia ny hamonjeny sy hanamasinany ireo izay rehetra voatendry nomen’ny Ray Azy . Ho setrin’ izay koa anefa dia andraikitry ny Fiangonana ny miaina mandrakariva amin’ny fihavaozana , mba tsy ny tena araka ny fomban’aina no hanapaka ny fiainany fa ny tena araka ny fombam-panahy.
« Raiso ny Tenin’ Andriamanitra » Boky faha-8