Alatsinainy 05 Aogositra 2019.

Fandalinana ny Boky ROMANA

Romana 14.19-23 / 15. 1-13

Ezaka andrasana amin’ny mpino mandrakariva ny fikatsahana ny fiadanana sy ny fifampandrosoana .

Fatra andrefesana ny toe-pinoana

Ijoroanao eo anatrehan’ Andriamanitra ve izay inoanao? Tsy vato mahasolafaka ho an’ny hafa ve ny fitondrantena avy amin’izany ? Marina fa ahy ny finoako , nefa iainako eo anivon’ny mpiray fanantenana izany . Koa amin’izany , na fitafy , na fihinana na fisotro na fiteny dia katsahina mandrakariva izay hampandroso ny hafa.Ny toe-pinoana mampiditra ny hafa amin’ny fiadanana no marina sady anksitrahana (and23) .

Ny firaisam-pinoana ao amin’i Kristy

Ny Fiangonana mandroso dia izay miray fo , saina , fanahy amin’ny fankalazana ny Ray (and 5) . Tsy mitady izay iavahako (tombony) amin’ny hafa aho amin’ny seham-panompoana iombonana eo anivon’ny Fiangonana fa mikatsaka kosa ny fanomezam-boninahitra an’ Andriamanitra ao amin’i Jesoa Kristy amin’ny alalan’ny fiombonana masina izay ifampitondrana ny fahalemen’ny hafa (and1) . Izany toe-panahy izany no hahataona ny tsy mpino (and9) .

« Raiso ny Tenin’ Andriamanitra  » Boky faha-8