Zoma 19 Jolay 2019.
Fandalinana ny Boky ROMANA
Romana 7.1-13
Fahamarinana roa no aseho eto:
1-Efa tapaka tanteraka ny fifamatorantsika amin’ny fahotana (and 6)
Amin’ny fomba hafa indray no hanazavan’ny Soratra Masina , fa efa tsy manankery amintsika intsony ny fahotana . oharina amin’ny mpivady tafasaraka noho ny fahafatesana , isika kristiana sy ny fahotana (and 2-4). Nisaraka tamin’ny fahotana , izay vady taloha isika , ka lasa vadin’i Jesoa Kristy. Tsy azo atao araka izany ny manao tan-droa , sady mbola fehezin’ny ota no tapahin’i Jesoa Kristy . Raha toa ka misaraka tanteraka amin’ny fahotana isika , dia mahavita asa tsara ho an’ Andriamanitra (and 4).
2-Tsara ny lalàna saingy nohararaotin’ny fahotana (and 7-13)
Maneho ny maha- mpanota antsika ny lalàna . Hoy ny DIEM : »inona no holazaintsika ? Fahotana ve ny lalàna ? Sanatria izany ! nefa tsy ho nahafantatra ny fotana aho raha tsy tamin’ny alalan’ny lalàna « . Nohararaotin’ny fahotana anefa izany , ka lasa fitaovana manetsika ny ota . Hoy ny and 8: » Fa io didy io dia nentin’ny ota nampihetsika ny fitsiriritana rehetra tato anatiko , fa maty ny ota , raha tsy misy lalàna » . Ary hoy ny and11 DIEM : »nohararaotin’ny fahotana ny didy (lalàna) hamitahana ahy sy hamonoana ahy » .
« Raiso ny Tenin’ Andriamanitra » Boky faha-8