FJKM /ARM -188 taona …

Nanamarika ny faha-188 taona

nandraisana ny fanasan’ny Tompo teto Antananarivo

188 taona izao no nandraisana ny fanasan’ny Tompo voalohany ho an’ ny protestanta Malagasy teto Antananarivo . Ny 5 Jona 1831 no nanolorana izany tao amin’ny fiangonana Ambatonakanga.
Daty malaza sy tsy azo kosehina amin’ny tantaran’ny fiangonana Kristianina Protestanta Malagasy araka izany ny faha -5 Jona.  Ho fahatsiarovana dia nisy fanompoam-pivavahana natao tetsy amin’ny FJKM Tranovato Ambatonakanga ny faha-5 Jona 2019 lasa teo izay notarihin’ny FJKM-ARM, nofaranana tamin’ny fiarahana mandray ny fanasan’ny Tompo izany fotoana izany. Kristiana mpandray ny fanasan’ny Tompo : manana saina sy fahendrena ary mandray andraikitra.

Hevi-dehibe 2 no nisongadina tamin’ny toriteny nentin’ Andriamatoa Andrianandrianina Harisoa Mpitandrina izay nalaina tao amin’ny Gen. 41:33-40. Nambarany fa misongadina ny fiainan’ny olona manana ny fanahin’ Andriamanitra: voalohany, omeny saina sy fahendrena mahatakatra ny sitrapon’ Andriamanitra izy. Faharoa, omen ‘Andriamanitra andraikitra hitondra vahaolana sy hanatanteraka famonjena izy eo amin’ ny fiaraha-monina sy ny firenena indrindra ireo mpandray fanasan’ ny Tompo, fa tsy toerana na anarana fotsiny izany. Ary ny fandraisana ny fanasan’ny Tompo dia fiombonana amin’ Andriamanitra no sady fiandrasana ny fiavian’ i Jesoa eny amin’ ny rahon’ny lanitra. 
Ny antokom-pihira  SLK Ambatonakanga no nanafana ny fotoana tamin’izany. Na izay aza anefa dia tsikaritra ho vitsy ihany no tonga niatrika ity fotoana manan-tantara amin’ny fiainan’ny fiangonana ity.

R. Veronica

Santatra Fahazavana

Toriteny

Toriteny 29 Martsa 2020
Video

toriteny
Video

Toriteny/Filohan'ny FJKM
Video

26 janoary 2020 - FJKM Isotry Fitiavana
Video

Perikopa 2020

Aogositra: Mahatoky hatramin'ny fahafatesana ny mino

| | 09. Ala IX man Trinite-KFTM (Maritiora)
2 Tant 24.17-22 / Lio 11.47-51 / Heb 11.32-40

| | 16. Ala X man.Trinite-Aumônerie Nationale
Neh 3.33-38 / Jao 10.11-18 / Apo 6.9-11

| | 23. Ala XI man.Trinite
1 Mpanj 19.1-10 / Lio 9.18-22 / 2 Tim 4.9-18

FJKM Fahazavana

FJKM ANKADIFOTSY