Alarobia 05 Jiona 2019.

Fandalinana ny ASAN’NY APOSTOLY

Asan’ny Apostoly 12.7-25

Hafatra telo no atolotra antsika eto :

1-Azo antoka ny herin’ny Tompo

Endrika iray ahitantsika izany ny fanafahana an’i Petera teto. Efa tena natao tsara ambina izy , saingy tsy nahasakana ny herin’ Andriamanitra tsy izany mandrakariva ny ataon’nyTompo satria i Jakoba dia voalaza fa novonoin’i Heroda (and2) ; saingy mahazo toky isika fa raha mbola misy ilan’ny Tompo antsika eto dia tsy avelany ho faty akory isika .

2-Mianara mandray valimbavaka

Voalazan’ny and 5 hoe: « ny Fiangonana nahery nangataka tamin’ Andriamanitra ho azy « kanjo nony azo tokoa ny valimbavaka ka tafavoaka avy tao an-tranomaizina i Petera ,dia tsy nino indray ireo olona niari-tory nivavaka ho azy . Moa tsy fahalemena mpahazo antsika koa izany ? Soa ihany fa tsy nihevitra loatra izany tsy finoantsika ny valimbavaka omeny izany ny Tompo , ka manaiky hamaly vavaka antsika ihany. Na izany aza dia miovà.

3-Tandremo ny fireharehana

Ambaran’ny and 23 dia nasian’ny anjelin’ny Tompo i Heroda ka matin’ny kanakana.Ny antony : « nihobian’ny olona ho andriamanitra izy « , tsy nanitsy izany izy fa nanaiky . Fampitandremana lehibe ho antsika izany . Tsarovy ny Isaia 42.8.

« Raiso ny Tenin’ Andiamanitra » Boky faha-8