Alarobia 22 Mey 2019.

Fandalinana ny ASAN’NY APOSTOLY

Asan’ny Apostoly 5.12-24

Hafatra mikasika ny Fiangonana no andeha horaisintsika eto :

1-Tsarovy amim-bavaka manokana ny Fiangonana

Ny and 12-16 dia mirakitra takila volamena eo amin’ny tantaran’ny Fiangonana kristiana. Mivavaha mba hitohy ny herin’ny Fiangonana , ny firaisan-tsain’ny mpino , ny fitomboan’ny Fiangonana misy anao , misy antsika koa ankehitriny . Nahery ny Fiangonana ka nisy ireo fahagagana sy fanasitranana samihafa , nefa variana tamin’izany ny olona fa tonga tamin’ny finoana tokoa (and14), dia nitombo ny Fiangonana ary niray saina tsara.

2-Tsarovy fa ny Fiangonana nijoro tsy maintsy misy mpanenjika

Nandroso ny Fiangonana , dia nialona azy ireo lehiben’ny Jiosy (and17). Io fialonana io no efa nahatonga ny fififoana ho faty an’i Jesoa (Mar 15.10). Nogadrainy ny Apostoly , ny anjely kosa namoaka azy ireo . Izany no tokintsika , na dia eo aza ny mpanenjika . Momba antsika ny Tompo . Manavao ny iraka ampanaovina antsika mpitory ny Filazantsara ny Tompo (and 20). Ny mankato izany no anjarantsika (and21). Na dia vao avy nogadraina aza dia roso ihany fa tsy manahy . Izany no ilain’ny Tompo amintsika . Koa manàna fahasahiana!

« Raiso ny Tenin’ Andriamanitra » Boky faha- 8