Alahady 19 Mey 2019.

Fandalinana ny ASAN’NY APOSTOLY

Asan’ny Apostoly 4.1-22

Manohitohina ny fotom-pampianaran’ny Sadoseo sy ny mpisoronabe ny fampianaran’ny Apostoly . Nampidirana an’i Jaona sy Petera am-ponja izany . Tsy mahasakana ny vahoaka tsy hino ny famonjena azo avy amin’i Jesoa Kristy anefa ny fampitahorana .

Ny herin’ny Fanahy Masina ao amin’ny mpitory teny

Ny fahasahiana nananan’ i Petera sy Jaona nijoro teo anatrehan’ny mpanapaka ny fahalalana nananany teo am-pandaharan-kevitra ary ny isan’ny nanolo-tena efa ho 5 000 isa (and 4) dia maneho ny asa sy ny herin’ny Fanahy Masina ao anatin’ny mpino rehefa manaiky hanao ny asa nasain’ny Tompo natao izy. Tsy isalasalana ny milaza fa mamparanin-tsaina ny fahafenoan’ny Fanahy Masina (and13) . Ny vokatra azo anefa (and4) dia asan’ny Fanahy Masina fa tsy noho ny fahaizan’olombelona.

Ny toriteny Apostolika sy ny Fanhy Masina

Mambomba ny teny ampitondraina ny mpino hatrany ny Fanahy masina (and8,10). Rehefa tena feno ny Fanahy Masina ny mpino dia tsy marina eo amin’ny fiainany ny fihemorana , eny fa na dia isian’ny fandrahonana sy haningotra ny aina aza izany (and 18). Aoka ho feno ny Fanahy isika mba hatoky tokoa.

« Raiso ny Tenin’ Andriamanitra » Boky faha-8