Talata 19 Martsa 2019.

Fandalinana ny Boky 1 Mpanjaka

1 Mpanjaka 14.21-31;15.1-8

Ny tantaran’i Rehoboama zanak’i Solomona kosa no hitantsika eto :

1-Namela ny Israely hanao izay ratsy i Rehoboama

Mariho ny fitantarana eo amin’ny and 22-24 fa tsy i Rehoboama mivantana akory no resahiny eo , fa ny Joda , izany hoe: ny vahoaka. Ampianarin’izany antsika fa ny hahafantarana ny mpitondra ratsy dia ny famelany ny vahoaka hanarampo hanao izay ratsy eo imason’ Andriamanitra . Teo an-tànany ny fahefana hanakana izany , saingy nijery fotsiny izy . Isika rehetra manana ndrikitra : haintsika ve ny mampiasa izany tsy hamelana ny olom-pehezintsika hanarampo amin’ny ratsy ?

2-Vokany : tonga ny famaizan’ny Tompo .

Ambaran’ny and 25-27 fa tonga i Sisaka , mpanjakan’i Egypta , dia nandroba ny tranon’ny mpanjaka ary ireo ampinga volamena . Na tsy lazain’ny mpanoratra mivantana aza dia valin’ny ratsy nataon’i Joda izany. Fampitandremana ho antsika izany : mety omen’ny Tompo harena samihafa ianao izao , fa raha miala Aminy ianao , dia halàny aminao koa ireo . Dia varahina no nataon’i Rehoboama ho solon’ireo volamena . Hikorosy ny fiainanao . Mampalahelo fa na ny zanany nandimby azy koa aza nanota . Ohatra : manao ahoana no omenao harahin’ny zanakao ?

« Raiso ny Tenin’ Andriamanitra » Boky faha- 3