Alatsinainy 18 Martsa 2019.

Fandalinana ny Boky 1 Mpanjaka

1 Mpanjaka 14.1-20

Singanintsika amin’izay novakintsika ireto :

1- Tsy manova ny maha-mpaminanin’ny Tompo azy ny fahantran’ny mpanompony.

Tsy hanontany isika hanao hoe: nahoana re i Ahia mpaminany no dia pahina ny masony noho ny fahantrany  » (and4). Fa izao :tsy niova ny maha-mpaminany marina azy . Fampaherezana ny mpitory ny Filazantsara mety hahita fahantrana izany . Aza miova fa torio marina ihany ny Tenin’ny Tompo.

2-Tsy miova mihitsy ny fepetran’ Andriamanitra .

Nanota i Solomona tany aloha dia naniraka niteny azy ny tompo ; izao indray : nanota i Jeroboama dia naniraka olona hiteny azy mafy koa ny Tompo. Mahamenatra fa tsy miova amin’ny fahamarinana takiny ny Tompo ary tsy miova amin’ny fahamafim-pony koa na dia ny olona notahiany sy nasiany soa manokana aza.

3-Nalain’ Andriamanitra ilay zaza tsara tao anaty fanakaviana ratsy . Mampieritreritra lalina ny filazana momba an’i Abia, zanak’i Jeroboama manao hoe: « amin’ny tamingan’i Jeroboama dia izy irery ihany no ho tonga ao am-pasana , satria izy ihany no nahitana fahatsaram-panahy ny amin’i Jehovah, Andriamanitry ny Israely » (and13) .Hay ve misy olona tsara alain’ny Tompo noho ny fahatsarany e!

« Raiso ny Tenin’ Andriamanitra » Boky faha- 3

Perikopa

Aprily: Hazony ny famonjen'ny Tompo

| | 28. Ala I man Paska-Asa TOPAZA
Sal 82.1-8 / Jao 21.1-14 / Rom 6.1-7

FJKM Fahazavana

Toriteny Mpitandrina Zarazaka Jean Louis

ZARAZAKA Jean Louis, Mpitandrina ,
Mahamasina / 20 01 2019