Zoma 15 Martsa 2019.

Fandalinana ny Boky 1 Mpanjaka

1Mpanjaka 12.16-33

Fahamarinana 2 lehibe indray no hitantsika eto :

1-Tsy maintsy tanteraka ny Tenin’ny Tompo.

Tanteraka ara-bakiteny izao ilay fanalana ny fanjakana 10 amin’ny taranak’i Davida , ka lasan’i Jeroboama izany . Tonga nampanajaka azy ny Israely .Aza adinoina na oviana na oviana izany : na hiolan-ko vy isika na hiolan-ko vato ny Tenin’ny tompo tsy maintsy tanteraka , saika hisakana ny fahatanterahan’izany i Rehoboama ka nandefa an’i Adorama komandiny , saingy maty voatora-bato fotsiny izy . Saika handeha hiady indray izy , fa tonga ny Tenin’ny Tompo nandrara azy nentin’i Semaia, dia nitsahatra teo ny fikasana hiady .

2-Tsy mahay maka lesona amin’ny tantara isika .

Izany no miharihary eto . Vao teo i Rehoboama no voa mafy noho ny fahotan’i Solomona rainy . Vao teo (1 Mpanj 11.31-38)ny Tompo no nanafatratra an’i Jeroboama mba handehanany araka ny fitsipiny sy ny lalàna . Mazava avokoa ny zava-nitranga sy ny teny nomena azy . Saingy , inona no hitantsika eto (and25-33). Tsy ny fanompoana ny Tompo no ninoan’i Jeroboama fa hanamafy orina ny fanjakany , fa ny bfanaovana paika politika ka nanamboariny ombilahy kely mba tsy hankanesan’ny Israely any Jerosalema . Adala be izy . Ary mba haintsika koa ve ny tsy hamerina ny fahadisoana efa nahavoa ireo teo alohantsika ?

« Raiso ny Tenin’ Andriamanitra  » Boky faha- 3

Perikopa

Martsa: Manamasina fiainana ho an'ny Tompo

| | 24. Karemy II Alahadin'ny SAF FJKM
Jos 14.6-15 / Mat 5.13-16 / 1 Tes 2.1-12

| | 31. Karemy IV
2 Tant 29.1-11 / Mat 8.18-20 / 1 Pet 1.13-16

Aprily: Hazony ny famonjen'ny Tompo

| | 07. Karemy V
Sal 40.11-17 / Mat9.14-17 / 1 Tim 4.6-10

| | 14. SAMPANDROFIA
Isa 62.6-12 / Lio 9.57-62 / Rom 6.15-19

FJKM Fahazavana

Toriteny Mpitandrina Zarazaka Jean Louis

ZARAZAKA Jean Louis, Mpitandrina ,
Mahamasina / 20 01 2019